Almaty qalasynda qala ımamdarynyń keleli jıyny ótti. Jıynda ótken jyl qorytyndylanyp, 2018 jyldyń jumystary talqylandy. Almaty qalasynyń bas ımamy Nurbek qajy Esmaǵanbet:
Jıynǵa qatysqan QMDB-nyń is basqarýshysy Oryn Erbosyn Bektursynuly atalmysh laýazym jaıly aqparat berip, mańyzdylyǵy jaıly sóz qozǵady. Bul qyzmettiń qazirgi is basqarýshy qyzmetimen uqsastyqtary týrasynda aıtyp, mýtaýállı qyzmetiniń jan-jaqty talqylanatyndyǵyn jetkizdi.
Bas ımamnyń bul pikirin qala ımamdary qoldap, Dinı basqarmanyń irgetasy qalanǵaly beri qyzmet etip júrgen tájirıbeli ımamdar da óz pikirin bildirdi. Túrkisib aýdandyq «Fıralı Ferǵanuly» meshitiniń bas ımamy Meırman Sattarqul qajy: «Bas múftıimiz Serikbaı qajy Oraz hazrettiń meshitterdegi mýtaýállıát laýazymyn qozǵaýy qazirgi ýaqyttyń talaby ári der kezinde kóterilgen másele. Biz qyzmetke bastaǵan jyldary bul qyzmet bolǵan. Endigi tilegimiz bul laýazymnyń qazirgi zaman men qoǵamǵa laıyqty etip jasalýy. Osy arqyly ımamdardyń jumystary jeńildep, dárejesi kóterilip, meshit jumysynyń sapalylyǵy artady. Alla barshamyzdy qoldasyn»,-dese,
«Ál-Hamıd» meshitiniń bas ımamy Amanqulov Asylhan qajy:
«Mýtaýállıát Orta Azıada burynnan beri kele jatqan qyzmet. Bul laýazymnyń maqsaty - ımamdardyń qoǵamdaǵy bedelin túsirmeý ári dinge jaman at keltirmeý. Bul laýazymdy atqarýshy qyzmetker ımamǵa baǵynyshty, Dinı basqarmanyń ókili. Meshittiń sharýashylyqtaryn atqaryp qana qoımaı, ımamdardyń dárejesin kóteredi. Bul laýazymdy qoldaımyz, biz úshin qaıyrly ekenine senemiz»,-dedi.
Atalmysh jıyn ımamdarǵa jańa serpilis berip, qyzmet sapasynyń artýyna septigin tıgizeri anyq.
