Qazaqstannyń batys óńirinde iri jol apaty bolyp, bes adam qaza tapty, taǵy bes adam aýrýhanaǵa jatqyzyldy, dep habarlaıdy Qamshy.kz aqparat agenttigi óńirlik Moı GOROD basylymyna silteme jasaı otyryp.
Jol apaty 14 qańtarda kúndiz Atyraý-Astrahan tas jolynda Erǵalıev atyndaǵy aýyldan bes shaqyrym jerde bolǵan.
"Hyundai Accent pen "VAZ-21015" kólikteriniń soqtyǵysýynan bes adam qaza tapty: "VAZ-21015" kóliginiń 60 jastaǵy júrgizýshisi, 40 jáne 57 jastaǵy eki áıel, 29 jastaǵy jigit pen 60 jastaǵy jolaýshy", — dep habarlady Atyraý oblysy İİD baspasóz qyzmeti.
Hyundai Accent kóliginiń júrgizýshisi men jolaýshylary Isataı aýdany Aqqystaý aýylynyń aýrýhanasyna jetkizilgen.
Jol apaty boıynsha sotqa deıingi tergeý amaldary bastalyp, birqatar saraptama taǵaıyndaldy.
