13 qańtarda Qazaq kınoóneriniń tólqujatyna aınalǵan «Qyz Jibek» kınofılminiń rejıseri, QR Memlekettik syılyǵynyń ıegeri Qojyqov Sultan-Ahmet Qońyrqojaulynyń ústimizdegi jyly atalyp ótetin 95 jyldyq mereıtoıy qarsańynda «Tulǵa. Kıno. Ýaqyt» atty dóńgelek ústel ótti, dep habarlaıdy Qamshy.kz aqparat agenttigi. 

Atalǵan mádenı sharany Almaty qalasyndaǵy Qojyqov atyndaǵy 39-ynshy mamandandyrylǵan lıseı ujymy ótkizgen. Sonymen birge dóńgelek ústeldi Shaıahmet Imashuly júrgizdi.

Bul dóńgelek ústelge qazaq kınosynyń tanymal qaıratkerlerdiń kórkem jáne derekti fılmderi týraly estelikter aıtylyp, pikirle ortaǵa salyndy. Dóńgelek ústelge atalmysh mektep basshylyǵy: mektep dırektory Mereıhan Jumaǵalıev, orynbasary Nurjigit Amanov, Almaty qalalyq bilim departamentinen Nurgúl Taý, Almaly aýdandyq bilim departamentinen Ásem Nurbaeva, osy mektep ata-analar komıtetiniń tóraıymy, uzaq jyl mektep dırektory bolǵan Qarlyǵa Imanbekova jáne atalmysh mektep ustazdary, oqýshylar, ata-analar, jýrnalıser, t.b. qatysty.