Almaty oblysynyń polısıasy 12 jasar oqýshy qyzdy zorlady degen kúdikpen aýyl turǵynyn ustady, dep jazady Qamshy.kz aqparat agenttigi oblystyq ishki ister departamentiniń málimetine súıenip. 

18 qańtarda İle aýdany polısıasyna Mejdýrechensk aýylynyń turǵyny kelip, 12 jasar qyzyn belgisiz er adamnyń zorlaǵanyna aryzdanǵan. 

"Jedel is-sharalar barysynda kúdikti birneshe saǵat ishinde anyqtalyp, ustaldy. Qazirgi ýaqytta kámelettik jasqa tolmaǵan qyzdy zorlaý faktisi boıynsha qylmystyq tergeý bastaldy", — dep habarlady oblystyq polısıa. 

21 jastaǵy jigittiń kishkentaı qyzdy aýyldaǵy qonaq úılerdiń birinde zorlaǵany belgili boldy. Qaskóı aldyn ala tapsyrys berip qoıǵan bólmege altynshy synyp oqýshysyn aldap aparǵan. 

«Kúdikti jigit jasynan úlken kórinetin qyzben jynystyq qatynastyń ózara kelisim boıynsha bolǵanyn aıtady. Biraq zardap shegýshi tarap muny joqqa shyǵaryp otyr», – deıdi polısıadaǵylar.