Almatyda telejúrgizýshi Láılá Sultanqyzynyń «Áıel» kitabyny halyqqa tanystyryldy, dep habarlaıdy Qamshy.kz aqparat agenttigi. Kitapta 123 taǵdyr, 123 muń, 123 problema, 123 hatqa mamandardyń jaýaby jazylǵan.

– Osy jańa kitabymda 123 áıeldiń suraǵyna arnaıy mamandardyń keńesi, ómirde kezdesetin oqıǵalar men san qıly taǵdyrlar jazyldy. Kóp áıeldiń kókeıindegi san saýalǵa jaýap tabý maqsatynda bul kitapqa elimizdegi "eń" degen psıxolog, gınekolog, mammolog, seksolog mamandar jumyldyryldy. Kómek surap xat jazǵan 123 áıeldiń basyndaǵy jaıttar qoǵamda keń etek alǵandyqtan, birin aýrýdan aıyqtyryp, ekinshisin psıxologıalyq jaǵynan qoldap, basqasyn sýısıdten saqtap qalsyn degen nıetpen usynyp otyrmyz. «Láılá apaı...» dep xatyn bastaıtyn qarakóz qyzdarymyzǵa jeke-jeke jaýap berý múmkin bolmasa da, únsiz qalǵym kelmedi, – dedi Láılá Sultanqyzy.

Avtordyń aıtýynsha, ózine syryn tapsyryp hat joldaǵan áıelderden jeke-jeke ruqsat alynǵan. Kitap ishindegi keı oqıǵalarǵa ózgertýler engizilgen.

– Men ózime kelgen hattarmen bólispesem, ózimdi jep qoıar edim. Ózim ishteı órtenip óler edim. Sol hattardy elimizdegi myńdaǵan áıelge jetkizgim keldi. Meniń onkologıa, gınekologıa, salasynda, túptep kelgende, psıhologıa salasynda da bilimim joq. Bir komanda bolyp osy kitapty jazyp shyǵardyq, - dedi kitap avtory.