Sınoptıkter 2018 jyldyń 23-25 qańtaryna arnalǵan aýa raıy boljamyn aıtty, dep habarlaıdy Qamshy.kz aqparat agenttigi Qazgıdromet RMK ókilderine silteme jasap.

Qara teńiz arqyly qalyptasqan úlken jáne óte sýyq antısıklon Qazaqstannyń ońtústik-shyǵys baǵytyna kóshýdi jalǵastyrýda. Bul antısıklonnan týyndaǵan arktıkalyq sýyqtyq respýblıkanyń soltústik jáne shyǵys aımaqtarynyń turǵyndaryna sezildi. Kelesi úsh táýlikte ortalyq, ońtústik-shyǵys jáne ońtústik aımaqtarda aıaz kúsheıedi. Soltústik, ortalyq jáne shyǵys óńirlerinde túngi temperatýra 40-45 gradýsqa, ońtústiginde jáne ońtústik-shyǵysynda 28-33 gradýsqa deıin tómendeıdi, bul klımattyq normadan qaraǵanda 10-18 gradýsqa sýyq bolatynyn aıtady.

Eske sala ketsek, Aqmola, Pavlodar, Qaraǵandy, Soltústik Qazaqstan jáne Shyǵys Qazaqstan oblystarynda qatty aıazǵa baılanysty daýyl eskertýi 26 qańtarǵa deıin saqtalady. Ómir jáne densaýlyq qaýipcizdigin qamtamasyz etý úshin turǵyndarǵa qysqy ýaqytta tabıǵı gıdrometeorologıalyq qubylystar bolǵan jaǵdaıda QR TJM usynymdarymen tanys bolǵan jón.