Sýyq antısıklon aldaǵy úsh táýlikte Qazaqstannan ketpeı, respýblıkanyń kóptegen oblysyna ornyqqan qatty aıaz áli saqtalady. Ótken táýlikterde ortalyq,  ońtústik-shyǵys jáne ońtústik oblystardyń keı jerlerinde aýa temperatýrasy klımattyq normadan 3-8°S tómen, al soltústik pen shyǵysta 10-18°S, qıyr shyǵysta normadan 20-23°C tómen boldy.

Sol ýaqytta respýblıkanyń batys oblystarynda ońtústik-batys troposferalyq aǵynnyń áserinen, Iran men Qara teńiz aýdandarynan jyly aýa kelip, bul osy jerlerde aýa temperatýrasynyń normadan 3-5°S joǵary kóterýde. 25-27 qańtarda  batys pen ońtústiktiń keı jerlerinde ekpini  23-28 m/s tómengi boran bolyp, jel soǵyp,  200-500 metrge deıin kórýdi nasharlatady, dep jazady Qamshy.kz aqparat agenttigi Qazgıdromet málimetine súıenip. 

Qazaqstannyń úsh oblysynda, boljanatyn qatty jelge oraı, daýyldy eskertý jarıalandy. Qyzylorda oblysynda 24 kúndiz, 25-27 qańtarda táýlik boıy shyǵys, soltústik-shyǵys jeli keı jerlerde  18-23, keı ýaqyttarda ekpini 30 m/s jáne artyq bolyp saqtalady.

Aqtóbe oblysynda 24 kúni kúndiz,  25 qańtarda táýlik boıy keı jerlerde ońtústik-shyǵystan soqqan jeldiń kúshi 18-23 m/s, keı ýaqyttarda ekpini 30 m/s jáne odan asa saqtalady.

Ońtústik Qazaqstan oblysynda 25-27 qańtarda keı jerlerde soltústik-shyǵystan soqqan jeldiń kúshi 18-23, keı ýaqyttarda ekpini 30 m/s jáne odan asa kútiledi.