Almaty oblysynda kásipkerge tıisti memlekettik qyzmet kórsetpegen sheneýnikter sógis aldy. Kásipker jer ýchaskesiniń nysanaly maqsatyn ózgertpek bolǵan.
2017 jyldyń qyrkúıeginde kásipker Almaty oblysy Jambyl aýdanynyń ákimine jer ýchaskesiniń nysanaly maqsatyn ózgertý boıynsha ótinish bergen. Alaıda jergilikti atqarýshy organ Jer kodeksiniń 97 baby 3-tarmaǵyna silteme jasap, azamattyń aryzyn qabyldamaı qoıǵan, dep jazady Qamshy.kz aqparat agenttigi Almaty oblysy Kásipikerler Palatasynyń baspasóz qyzmetine silteme jasap.
Kásipker Óńirlik kásipkerler palatasyna júgingennen keıin Memlekettik qyzmet isteri jáne sybaılas jemqorlyqqa qarsy is-qımyl agenttigininiń departamentine jer qatynastary bóliminiń qyzmetine tekserý júrgizý jóninde hat joldandy.
Memlekettik qyzmet isteri jáne sybaılas jemqorlyqqa qarsy is-qımyl agenttigi oblystyq departamentiniń aqparatynsha, memlekettik qyzmetti negizsiz túrde kórsetpeý jaǵdaıy anyqtalmaǵan. Alaıda Almaty oblysy Jambyl aýdanynyń jer qatynastary bólimi men ákimdik apparatynyń qyzmetkerleri tarapynan memlekettik qyzmet kórsetý prosedýrasynda buzýshylyq faktisi oryn alǵan.
«Jer ýchaskesiniń nysanaly maqsatyn ózgertý boıynsha sheshimdi berý» memlekettik qyzmetin kórsetý nátıjesi boıynsha buzýshylyq faktisi anyqtaldy. Memlekettik qyzmet standartynyń 3-tarmaǵy boıynsha memlekettik qyzmet oblystardyń, Astana jáne Almaty qalalarynyń, oblystyq mańyzy bar aýdandar men qalalardyń atqarýshy organdarymen, aýdandyq mańyzy bar qalalardyń, poselkelerdiń, aýyldardyń, aýyldyq okrýgterdiń ákimderimen kórsetiledi. Qujattardy qabyldaý jáne memlekettik qyzmettiń nátıjelerin berý qyzmet kórsetýshiniń keńsesi, ıaǵnı jergilikti atqarýshy organ arqyly júzege asyrylady», - delingen memlekettik organ jaýabynda.
Kásipkerler palatasynyń Kásipkerlerdiń quqyǵyn qorǵaý jáne ákimshilik kedergilerdi azaıtý jónindegi bólimniń sarapshysy Dýman Kerimbaevtyń sózinsh,e ákim atyna jazylǵan ótinishke jer qatynastary bóliminen jaýap qaıtarylǵan. Jer kodeksiniń talaptary boıynsha ýchaskeniń nysanaly maqsatyn ózgertý boıynsha teris nemese oń sheshim shyǵarý boıynsha jaýap jergilikti atqarýshy organ, ıaǵnı ákim tarapynan berilýi tıis.
Atalǵan sebepter boıynsha ótken jyldyń 7 qarashasynda Jambyl aýdany ákiminiń ókimimen jumysta jiberilgen kemshilikter boıynsha jer qatynastary bóliminiń basshysyna jáne ákim apparatynyń bas mamanyna sógis jarıalandy.
