Osydan tórt kún buryn Jambyl oblysyndaǵy 21450 áskerı bóliminen 18 jastaǵy sarbaz joǵalyp  ketken, dep habarlaıdy Qamshy.kz aqparat agenttigi mgorod.kz saıtyna silteme jasap.

Jas jigit – Atyraý oblysy Inder aýdanynyń Esbol aýylynyń týmasy. Janbolat Bozbanov 2017 jyly maýsym aıynda áskerge shaqyrylǵan. 21 qańtarda esh sebepsiz 21450 áskerı bólimin tastap ketip qalǵan. Alaıda týystaryna ózi týraly málimet bermegen.

Boıy – 175-180 sm, ortasha deneli, kózi qara. Ústine áskerı býshlat kıgen.

Sarbazdyń aǵasy sońǵy ret Janbolatpen 7 qańtarda habarlasqan. Sol kúni Janbolat odan 40 teńge kóleminde aqsha jiberýdi suraǵan. Alaıda bank jabyq bolǵandyqtan, aǵasy Janbolatqa bes myń teńge jibergen. Budan keıin sarbaz baılanysqa shyqpaǵan.

– Qatardaǵy sarbazdardyń biri telefonyn joǵaltyp alyp, ol úshin meniń baýyrymdy kinálap, uryp-soqqan. Sodan keıin ol bólimnen qashyp ketken. Men qazir Jambyl oblysynda Janbolatty izdestirý jumystaryna qatysyp júrmin. Onyń telefony sóndirýli. Keıde qońyraý baryp turady, biraq jaýap bermeıdi, - deıdi Janbolattyń aǵasy.

Sarbaz týraly aqparat bergisi kelgender myna nómirlerge habarlasýy kerek:

– Jambyl oblysy Qordaı aýdany Gvardeıskıı kenti, Gvardeıskıı garnızonynyń áskerı polısıasy, tel/faks: 8(72636) 7-18-02

– týystarynyń baılanys nómiri – 87026236698, 87018918357.