Latvıanyń airBaltic kompanıasy 2018 jyldyń 29 sáýirinen bastap Almaty men Rıga arasyna jazǵy maýsymdaǵy áýe reısin iske qosatyn boldy, dep jazady Kapital.kz.

«Biz qazir Almatyǵa  tikeleı áýe reısin ashyp otyrǵan  soltústikeýropalyq alǵashqy áýe kompanıasy bolyp otyrmyz. Rıga-Almaty marshrýty bizdegi eń uzaq baǵyttar boıynsha ekinshi bolyp tur»,- dedi airBaltic kompanıasynyń dırektory  Martın Gaýss.

Onyń aıtýynsha,  jańa áýe baǵyty Qazaqstan men Baltyq elderiniń jolaýshylary úshin jańa múmkindikterge jol ashpaq. Sebebi atalmysh baǵyt arqyly Eýropa, Skandınavıa, Reseı, Taıaý Shyǵys elderi qamtylady.

airBaltic kompanıasy Almaty — Rıga baǵytynda aptasyna úsh ret  Bombardier CS300 jańa ushaǵymen jolaýshy tasymaldamaq. Ushý ýaqyty shamamen – 5 saǵat 45 mınýt. Bılet quny bir baǵytqa 159 eýrodan bastalady eken. Onyń ishine qujattyq shyǵyndar túgel kiredi.