2017 jyly Qazaqstandaǵy dinı zertteýler boıynsha 3 751 tyıym salynǵan materıaldar men veb-saıttar anyqtaldy, dep habarlaıdy Qamshy.kz aqparat agenttigi QR Din isteri jáne azamattyq qoǵam mınıstrliginiń baspasóz qyzmetiene silteme jasaı otyryp.
Vedomstvo saıtynda jarıalanǵan habarda aıtylǵandaı, Qazaqstanda dinı saraptama barysynda tyıym salynǵan materıaldar men saıttar anyqtaldy.
2017 jyly QR Din isteri jáne azamattyq qoǵam mınıstrliginiń Din isteri komıteti júrgizgen dinı saraptama jumystary barysynda 4332 materıalǵa (dinı ádebıetter, dinı baǵyttaǵy basqa da materıaldar) zertteý jumystary júrgizildi. Onyń ishinde196 nysanǵa teris qorytyndy berildi.
Dinı saraptama júrgizýdiń negizgi mindeti - Konstıtýsıa normalary men Qazaqstan Respýblıkasynyń zańnamasyna, azamattardyń quqyqtary men bostandyqtaryna teris áser etetin zańbuzýshylyqtardy anyqtap, olarǵa saraptama júrgizý bolyp tabylady.
Dintaný saraptamasynyń obektilerine dinı mazmundaǵy jáne dinı baǵyttaǵy nysandardy qamtıtyn aqparattyq materıaldar, rýhanı (dinı) bilim berý baǵdarlamalary, jarǵylyq jáne dinı mazmundaǵy basqa da qujattar jatady.
Bul rette dinı ádebıetti, dinı mazmundaǵy basqa da aqparattyq materıaldardy, zattardy taratý dinı ǵımarattarda (qurylymdarda), rýhanı (dinı) bilim berý uıymdarynda, sondaı-aq Astana men respýblıkalyq mańyzy bar qalalarda, oblystardyń jergilikti atqarýshy organdarymen arnaıy belgilengen stasıonarlyq oryndarda ǵana ruqsat etiledi. Elimizde dinı materıaldar men buıymdardy saýdalaýǵa arnalǵan 257 arnaıy oryn bar.
Jeke paıdalanýǵa arnalǵan zattardy qospaǵanda, Qazaqstan Respýblıkasynyń aýmaǵyna dinı mazmundaǵy aqparattyq materıaldardy ákelýdi dinı saraptamanyń oń qorytyndysyn alǵannan keıin ǵana tirkelgen dinı birlestikter júzege asyrady.
Budan bólek, dinı radıkalızm men ekstremızmdi nasıhattaýǵa qarsy is-qımyl ınternet-resýrstardy taldaý arqyly júzege asyrylady. Máselen, 2017 jyly tek Din isteri jáne azamattyq qoǵam mınıstrligi 10174 ınternet-resýrstyń mazmunyna saraptama júrgizip, onyń ishinde 3555 saıttyń zań buzýshylyq baǵyttaǵy qyzmetin anyqtady.
Zańbuzýshylyqtar anyqtalǵan saıttar boıynsha teris saraptamalyq qorytyndylar QR Aqparat jáne komýnıkasıalar mınıstrligine tıisti prosesýaldyq sheshim qabyldaý úshin jiberiledi.
