Memlekettik stıpendıa 75 ádebıet pen óner qaıratkerine beriledi.

Olardyń arasynda Asanáli Áshimov, Myrzataı Joldasbekov, Sábıt Dosanov, Bıbigúl Tólegenova jáne t.b. syndy daryndy tulǵalar bar.

Stıpendıa Qazaqstan Respýblıkasynyń qurmetti ataqqa ıe, memlekettik nagradalarmen marapattalǵan, shyǵarmashylyq qyzmetkerler men mádenıet qyzmetkerlerin memlekettik qoldaý maqsatynda jyl saıyn beriledi, sondaı-aq daryndy jas sýretshilerdi elimizdiń mádenıetin qurýǵa, saqtaýǵa jáne damytýǵa qosqan úlesi úshin marapattaıdy.

Sonymen qatar, Memlekettik qoldaý jas talanttarǵa da kórsetiledi, olardyń ishinde Medet Shotabaev, Irına Ten, Jambyl Dúısenov, Ádil Ahmetov jáne basqalar bar.

Rásimniń ashylý saltanatynda Gúlshara Ábdiqalyqova qatysýshylardy shyn júrekten quttyqtap, memlekettik stıpendıalardy usyný qazaqstandyq mádenıettiń damýyna qosqan úlesin moıyndaý ekenin atap ótti.

Memlekettik hatshy saltanatty rásimge qatysýshylardyń nazaryn Qazaqstan Prezıdentiniń myna sózine aýdardy: «Ulttyń áleýetin qurý bizdiń mádenıetimiz ben ıdeologıamyzdyń odan ári damýyn talap etedi. "Rýhanı jańǵyrýdyń" maǵynasy dál osy. Bizdiń qoǵamnyń muraty óz tarıhyn, tilin, qazirgi zamanǵy mádenıetin biletin, shet tilderin meńgergen, ozyq jáne jahandyq kózqarastary bar qazaqstandyq bolýy kerek».