Sınoptıkter 30 qańtar – 1 aqpan aralyǵyndaǵy aýa-raıy qalaı bolatynyn aıtty, dep habarlaıdy Qamshy.kz aqparat agenttigi "Qazgıdromet" RMK ókilderine silteme jasaı otyryp.
Altaıda ornalasqan sýyq jáne kúshti antısıklon ádettegideı Qazaqstannyń aýa-raıynyń ózgerýin anyqtaıdy. Sondyqtan demalys kúnderi aýa temperatýrasy normadan respýblıkanyń kóptegen oblystarynda 8-15 °C-qa deıin, al ońtústikte jáne ońtústik-shyǵysynda 17...22°S tómendedi. Biraq qatty aıaz báseńdep, 29 qańtarda respýblıkanyń soltústik bóliginde aýa temperatýrasy - 20..27 °S aralyǵynda boldy.
Aldaǵy úsh táýlikte Atlantıka men Qara teńizden jyljyǵan jyly jáne ylǵaldy aýa massalarynyń áserinen temperatýranyń kóterilýi tek batys jáne soltústik aımaqtarda ǵana emes, Qazaqstannyń ońtústik jáne shyǵys aımaqtarynda da kútiledi.
