Úndistanda er adam MRT apparatynyń saldarynan kóz jumdy, dep jazady Qamshy.kz aqparat agenttigi NDTV arnasynyń málimetine súıene otyryp.

Radjesh Marý esimdi pasıent aýrýhanadaǵy MRT kabınetine tekserilýge kelgen bolatyn. Alaıda skanerdiń magnıttik órisiniń qýaty tym kúshti bolýynyń saldarynan ol birden ishine enip ketken. Apparatty dereý óshirip, ishinen Radjesh Marýdy alyp shyqqanmen, onyń ómirin saqtap qalý múmkin bolmaǵan, ol on mınýttan soń kóz jumǵan.

Qaza tapqan er adamnyń týystarynyń aıtýynsha, mekemedegi dárigerler apparattyń óshirýli turǵanyn aıtyp, onyń ishine kirý qaýipsiz ekendigin jetkizgen. «Biz bul kabınetke metal zatpen kirý asa qaýipti ekendigin aıtqanda, olar únemi osylaı kirip júrgenderin aıtyp sendirdi», - deıdi týystary.

Polısıa bólimshesinde atalmysh iske qatysty eki jaýapty adam men dárigerdiń ústinen qylmystyq is qozǵalǵandyǵyn málimdedi. Aýrýhanaǵa bolǵan oqıǵaǵa baılanysty tekseris jumystary júrgiziletindigi belgili boldy.