Qaraǵandy oblystyq ishki ister departamenti kámeletke tolmaǵan qyzdyń Lexus avtokóligin júrgizgeni túsirilgen beınerolıkke qatysty túsinik berdi, - dep habarlaıdy Tengrinews.kz tilshisi. Lexus qyzdyń anasyna tıesili ekeni keıin anyqtalǵan bolatyn.

"Bul derek boıynsha jol qozǵalysy erejelerin buzýǵa jol bergeni úshin, ıaǵnı kólik quralyn ony basqarýǵa quqyǵy joq adamnyń júrgizgeni úshin júrgizýshige, 1998 jyly týǵan qyzǵa qatysty ákimshilik hattama toltyryldy. Kólik quralyn basqarýdy basqarý quqyǵy joq adamǵa bergeni jáne jolaýshylardy tasymaldaý erejelerin saqtamaǵany úshin qyzdyń anasyna qatysty eki ákimshilik hattama toltyryldy", - dep habarlaıdy oblystyq ishki ister departamentiniń baspasóz qyzmeti.

Eske sala keteıik, bul vıdeo YouTube-te jarıalanǵan bolatyn, oǵan oqýshy qyzdyń Lexus kóligine jaqyndap, onyń esigin senimdi túrde ashqany túsirilgen. Sodan keıin onyń qasyna balasy bar áıel keledi. Az-maz sóıleskennen qyz mektep sómkesin kóliktiń artqy oryndyǵyna tastap, rúlge otyrady. Balasy bar áıel onyń janyndaǵy orynǵa jaıǵasady. Mashına ornynan qozǵalyp, senimsiz túrde júrip ketedi.

Keıin qyzdyń anasy Lexus avtokóligin qyzyna tek aýlada ǵana júrgizýge ruqsat bergenin aıtty. Ol kezde polısıa qyzdyń anasynyń jazalanatynyn habarlaǵan edi.

tengrinews.kz