Tanymal telejúrgizýshi jáne prodúser Baıan Esentaeva ózin qazaq tilin bilmegeni úshin synaǵandarǵa áleýmettik jeliler arqyly jaýap berdi.
Onyń aıtýynsha týǵan tilin bilmegeni úshin jıi syn estıdi eken.
"Iá, dál solaı, men orys tilinde oılaımyn, orys balabaqshasyna bardym, orys mektebin bitirdim, ol kezde qalada tek bir ǵana qazaq mektebi bar bolatyn, biraq ol aqtalǵanym emes, aqtalǵym kelmeıdi de! Men ózime syn aıtatyndardan, menen qaı jerińiz jaqsy, óz halqyńyz ben elińiz úshin ne istedińizder? dep suraǵym keledi. Tek qana qazaqsha sóılegenińiz úshin ózderińizdi naǵyz qazaq retinde sanaýǵa kim quqyq berdi? Men - qazaqpyn! Júregim qazaq! Janym qazaq! İstegen isterimniń barlyǵy, birinshiden, qazaq tilin, mádenıetin jáne shyǵarmashylyǵyn damytý úshin jasalady", - dep jazdy ol ınstagramdaǵy paraqshasynda.
Óz sózderin rastaý úshin ol "Qazaq arýy" baıqaýynyń ótkizilýin mysalǵa keltirdi.
"Qazir men oryssha sóılesem de "Qazaq arýy" baıqaýyn daıyndap júrmin. Bul joba eń birinshiden, qazaq halqynyń tilin, ádebıetin, tarıhyn, mádenıetin, salt-dástúrlerin damytýǵa baǵyttalǵan! Men eshteńeden uıalmaımyn! Men Qazaqstandy, bizdiń kópultty elimizde turatyn adamdardyń barlyǵyn jaqsy kóremin! Barlyǵyńyzǵa jaqsylyq tileımin!", - dep túıindedi ol.
Esterińizge sala ketsek, Baıan Esentaeva tanymal "KeshYOU" jáne "Lashyn" toptarynyń, sondaı-aq Janar Duǵalova, Kámshat Joldybaeva jáne Ánel Arynovanyń prodúseri bolyp tabylady.
Qazaqstandyqtarǵa ol telehıkaıalardyń aktrısasy men prodúseri retinde de tanymal.
Derekkóz: "QazInform"
