Jyl basy jyljymaıtyn múlik naryǵy úshin jańalyqtarǵa toly boldy dep jazady Qamshy.kz aqparat agenttigi kn.kz-ke silteme jasap. Onyń ishinde toqsan aralyq qorytyndylar men «Nurly jer» baǵdarlamasyn júzege asyrý jospary bar. Aldanǵan úleskerlerge «Nurly jer» memlekettik baǵdarlamasy aıasynda úı salynatynyn da atap ótý kerek.
- «Nurly jer» Qazaqstandaǵy qurylys salasyna ketetin qarjyny 90% ósirmek
Jańa qabyldanǵan turǵyn úı barǵarlamalary turalap qalǵan qurylys materıaldarynyń óndiris salasyn jandandyrady.
11 aıdyń ishinde elde 9,6 mıllıon sharshy metr jer (bir jylda +7,6%) qurylysqa berildi. Onyń 4,1 mıllıon sharshy metrin halyq paıdalandy.
- Memlekettik baǵdarlamalardyń arqasynda turǵyn úı qurylysy bir jylda 8% ósti
2017 jyly 11 aıda turǵyn úıdi paıdalanýǵa berý kórsetkishi 8% ósti. Desek te qurylyspen aınalysatyndar qurylys úshin qarjy tabý tetikterin kóp paıdalanbaıtyny baıqalady. Kredıt berý salasy bir jylda 4% tómendegen. Qurylysqa kredıt berý azaıdy. Qazan aıynyń qorytyndysy boıynsha atalmysh sala portfeli 937,7 mlrd teńge ǵana boldy. Bul 2016 jylmen salystyrǵanda 2,2%-ǵa, al qyrkúıekpen salystyrǵanda 4,2% az.
- Bir jyldyń ishinde Qazaqstanda jańa salynǵan páter baǵasy qymbattady
2017 jyldyń jeltoqsanynan 2016 jyldyń jeltoqsanyna deıin turǵyn úı satylymy 1,3% ósti. Páterdi alyp satý baǵasy 1,6%, turǵyn úı baǵasy 0,8% arzandady. Páterdi jalǵa alý baǵasy 3,8% qymbattady.
Jańa salynǵan úı baǵasynyń qymbattaýy Taldyqorǵanda (+56,8%), Astanada (+4,6%), Aqtóbede (+4,0%) baıqaldy. Al Almatyda jańa salynǵan úı baǵasy, kerisinshe, 3,9% arzandady.
- Prezıdent 2030 jylǵa deıin bir adamdy 30 sharshy metr turǵyn úı aýmaǵymen qamtamasyz etýdi tapsyrdy
Nursultan Nazarbaev jyl saıynǵy halyqqa joldaýynda sońǵy 10 jylda qazaqstandyqtardy turǵyn úımen qamtamasyz etý kórsetkishi 30% artyp, 21,6 sharshy metr bolǵanyn aıtqan. Elbasy respýblıkada paıdalanýǵa beriletin turǵyn úı sanynyń artýyna memlekettik baǵdarlamalar yqpal etkenin atap ótti. Qazir jylyna 10 mıllıon sharshy metr turǵyn úı qurylysyna beriledi.
- Jeke tulǵanyń salǵan úıin qabyldaý erejesine ózgerister engizildi
2017 jyly 13 jeltoqsanda QR Investısıalar men damý mınıstrliginiń buıryǵy boıynsha jeke adamnyń salǵan turǵyn úıin qabyldaý erejesi men qabyldaý aktisiniń formasy ózgerdi. Akt – úıdi tirkeý barysynda ony salǵan adamdiki ekenin aıǵaqtaıtyn qujat.
- 2015-2017 jyldar aralyǵyndaAstanadaǵy turǵyn úı qurylysynyń sapasy jaqsardy
Salynyp jatqan úılerdiń sapasyna qatysty turǵyndardyń shaǵymy azaıǵan. Memlekettik sáýlet-qurylys baqylaýy basqarmasynyń tóraǵasy Tólegen Qulyshevtiń aıtýynsha, Astanada óz betimen turǵyn úı salý faktileri joıylǵan. 2017 jyly 655 sýbekt 114 173 568 somasyna ákimshilik jaýapkershilikke tartyldy. Ákimshilik sot arqyly 460 sýbekt 35 815 940 teńgege ákimshilik jaýapkershilikke tartyldy.
- Turǵynúıqurylysjınaqbankin jekeshelendirý 2018 jyldyń aıaǵyna deıin júzege aspaq
Investorlar Turǵynúıqurylysjınaqbankin keshendi saraptamadan ótkizýdi bastap ketti. «Baıterek» holdıńiniń basqarma tóraǵasy Aıdar Arıfhannyń bergen aqparatyna sáıkes, qarjy keńesshisi ınvestorlardy izdeý jáne kelisim boıynsha potensıaldy ınvestorlarǵa 420 suranym jiberdi. Onyń 249-y qyzyǵýshylyq bildirdi.
- Turǵynúıqurylysjınaqbanki «Nurly jer» baǵdarlamasy boıynsha 50 mlrd teńge qaryz berýdi josparlap otyr
Qazir Turǵynúıqurylysjınaqbanki klıentteri úshin 7462 páter paıdalanýǵa berilýge daıyn. 2018 jyly taǵy 16 938 páterdi salý josparda bar.
«Nurly jer» baǵdarlamasy boıynsha úı Turǵynúıqurylysjınaqbankiniń klıentterine Qazaqstannyń barlyq qalasynda beriledi.
«Nurly jer» baǵdarlamasynyń sharty boıynsha arzan baǵamen úı alý úshin jeke shotynda eń az degende 30% kóleminde jarnasy bar bank salymshysy bolýy qajet. Memlekettik baǵdarlamaǵa qatysýshy jylyna 5% jeńildikpen qaryz ala alady.
- Kollektorlarǵa ıpoteka alǵandardy mazalaýǵa tyıym salyndy
Kolektorlyq qyzmet turǵyn úı túrindegi kepildemesi bar jeke tulǵaǵa júrgizilmeıdi. Bul «Kollektrlik qyzmet týraly» zańda jazylǵan.
2018 jyldyń 1 aqpanynda 60 kolektorlyq agenttik Ulttyq banktegi eseptik tirkeýden ótti. 02.06.2017 men 01.01.2018 aralyǵynda Ulttyq bankke kolektorlardyń Zań qaldanǵa deıingi áreketteri jóninde 15 aryz tústi.
- Astanadaǵy daýly turǵyn úılerdiń qurylysyn ókiletti uıymdar júrgizedi
Astana qalasy ákimdigi daýly qurylys nysandarynyń qurylysyn aıaqtaıtyn ókiletti uıymdar qurylatynyn habarlady. Ol «Nurly jer» memlekettik baǵdarlamasy aıasynda júzege asady.
Uıym JSHS retinde jumys isteıdi. Astanada «Nurly jer» boıynsha qatysatyn daýly qurylys nysandarynyń tizimi jasaldy. Astana qalasy ákimdiginiń baspasóz qyzmetiniń málimetinshe, vedosmtvoaralyq komısıa otyrysynda qandaı nysandar memlekettik baǵdarlama boıynsha qurylysyn aıaqtaıtyny anyqtaldy.
