Qazaqstanda jýrnalıserge arnalǵan baspanalyq baǵdarlama daıyndaý máselesi qarastyrylyp jatyr. Atalǵan baǵdarlama aldymen Astanadan bastalmaq. Qazir bastamashyl top Turǵyn úı qurylys jınaq banki jáne qurylys kompanıalarymen yńǵaıly sharttardy qarastyrý ústinde.
Eń aldymen ótinish berýshi BAQ salasynyń qyzmetkeri bolýy qajet. Budan basqa da birneshe talaptary bar. TÚQJB salymshysy bolýy mindetti, baspana qunynyń 30 paıyzy tólenýi kerek. Sońǵy 30 kún kólemindegi nesıe tarıhy jáne úsh qosalqy qaryz alýshyny tartý sıaqty talaptary bar.
Jaqsartylǵan jaǵdaıda satylatyn páterlerdiń aýdany 36-dan 96 sharshy metrge deıin barmaq. Bir sharshy metrdiń quny 240 myń teńge dep kútiledi.
«Biz BAQ qyzmetkerleri, halyq ıgiligine jumys istep kele jatqan mamandar retinde ákimdikten turǵyn úı qurylysyn júrgizýge arnalǵan qaıtarymsyz jer ýchaskesin suraımyz. Ázirge bizdiń josparymyz 200 páter, alaıda qatysýshylardyń sany 300, tipti 500-ge deıin ósýi múmkin. Sharshy metrdiń de baǵasy tómendeıdi degen úmit bar. TÚQJB men kelissózder júrgizildi, bank bizdi qoldap kútip otyr. Sonymen qatar birneshe qurylys kompanıasymen de kelissózder júrgizdik. Qurylys nysanyn, onyń orynyn, qansha qabat jáne neshe páter bolatynyn anyqtaý úshin bizge aldaǵy ýaqyttaǵy yqtımal satyp alýshylardyń tizimin daıyndaý kerek. 15 aqpanǵa deıin bastapqy tizimdi bankke kórsetýdi josparlap otyrmyz», - deıdi bastamashyl top músheleri.
Messendjerlerdiń birinde BAQ qyzmetkerlerine arnalǵan chat jumys istep tur. Tizimge qosylǵysy kelgender sol jerge ózderi týraly aqparat usyna alady.
-Aty-jóni
-JSN
-Jumys oryny, qyzmeti
-Qajetti sharshy metr
-Telefon nomeri
Bastapashyl top múshelerimen +7 (778) 388-89-98, +7 (707) 923-16-85 telefon nómirleri arqyly baılanysýǵa bolady.
