Qazaqstan Jazýshylar odaǵynyń múshesi, Mádenıet salasynyń úzdigi, aqyn Esenqul Jaqypbektiń «Jazǵy tańda» jyr jınaǵy jaryq kórdi, dep habarlaıdy Qamshy.kz aqparat agenttigi.
Qazaqstannyń Túrkıadaǵy elshisi Abzal Saparbekulynyń qoldaýymen aqynnyń jyr jınaǵy jazýshy Iakýb Omaroǵly tóraǵalyq etetin Eýrazıa Jazýshylar qaýymdastyǵyna qarasty «Bengý» baspasynan shyqty.
Óleńderdi túrik tiline aýdarǵan jazýshy-dıplomat Málik Otarbaev. Redaktory – aqyn Ataman Kalebozan.
Kitaptyń shyǵýyna Ulttyq sport túrleri qaýymdastyǵynyń qurmetti prezıdenti, general-maıor, rýhanıat janashyry Qaırat Satybaldy demeýshi boldy. Úılestirgen Almaty oblystyq Mádenıet, arhıv jáne qujattama basqarmasynyń basshysy Aqan Ábdýáli, al qurastyrǵan Qazaqstan Jastar odaǵynyń "Serper" syılyǵynyń ıegeri Qanshaıym Baıdáýlet.
Kitaptyń tusaýkeser rásimi 9 aqpan, saǵat 10.30-da Almaty oblysy Jambyl aýdandyq Mádenıet úıinde ótedi. Sharaǵa Qazaqstan elshiliginiń dıplomaty, jazýshy Málik Otarbaev, tanymal túrik aqyny Ataman Kalebozan hanym, Eýrazıa Jazýshylar qaýymdastyǵy ókili Hýseın Kalebozan beı arnaıy keledi. Sondaı-aq Almaty oblysy Mádenıet, arhıv jáne qujattama basqarmasynyń basshysy Aqan Ábdýáliniń, Jambyl aýdanynyń ákimi Jandarbek Dalabaevtyń, Qazaqstan Jazýshylar odaǵy basqarmasynyń, zıaly qaýym ókilderi men óner adamdarynyń qatysady.
