Almaty oblysy agrarlyq aımaq bola otyryp, óziniń ónerkásiptik áleýetin damytýǵa den qoıyp keledi. Bul týraly Qamshy.kz aqparat agenttigi Almaty oblysy ákimdigine silteme berip habarlaıdy. Máselen, 2017 jyldyń qorytyndysy boıynsha ónerkásip óniminiń kólemi 750,5 mlrd teńgeni qurady, naqty kólem ındeksi – 102,9 %, - dep habarlaıdy Almaty oblysy ákiminiń baspasóz qyzmeti.

Oblystyq ekonomıka jáne búdjettik josparlaý basqarmasynyń málimetine qaraǵanda, atalǵan merzimde ónerkásip óndirisindegi óńdeý salasynyń úlesi 84,7 %-ǵa jetken, al óńdeý negizinde shyǵarylǵan ónim 636 mlrd teńgeni qurady.

2017 jyly oblysta 65 jańa ónerkásip orny ashylyp, jumys istep turǵan 30 nysan keńeıtildi, sonyń negizinde qosymsha 1 800 jańa jumys orny ashyldy.

Sonymen qatar ótken jyly oblysqa 527,3 mlrd teńge ınvestısıa tartylǵanyn da atap ótý kerek.