Ózbekstanda kúıeý jigit toıdyń aldynda qalyńdyǵynan arzan jasaýy úshin bas tartty. Bul oqıǵa ózbekstandyq «Eshlar» telearnasynan kórsetildi, dep Qamshy.kz aqparat agenttigi Nur.uz-ǵa súıenip jazady. 

Ózbekstannyń batysyndaǵy Novoı qalasynda jas jigit qalyńdyqtyń jasaýyn kórgende odan bas tartty. Artynsha bergen suhbatynda jigit úılengeli otyrǵan qyzdyń artynan keletin dúnıeniń baǵalyraq bolýyn kútkenin aıtty.

-Qyzdyń otbasy aıtarlyqtaı dáýletti jáne jasaýyn túrikshe zattardan jınap beredi dep úmittengenmin. Al olar bolsa, jergilikti gıjdývandyq bazardan arzan zattardy alyp kelmekshi bolǵan. Men onyń artynan keletin dúnıeniń baǵaly bolýyn kúttim,-dedi kúıeý jigit.

Jigittiń ókpesi aıtylǵan vıdeo taǵannan soń Tashkenttiń bas ımamy Anvar-korı Týrsýnov kúıeý jigittiń qalyńdyqtan eshteńe kútpeýi kerektigin túsindirdi.

Ózbekstanda mundaı oqıǵalar jıi kezdesip turady. Materıaldyq jaǵdaıdyń tómendiginen tek toılar ǵana emes, qalyptasqan shańyraqtar da shaıqalyp otyrady. Sol úshin sońǵy ýaqytta elde nekege turý rásimi qıyndatyldy jáne otbasyn qurýǵa bel býǵandar otbasylyq ómirdiń negizi týraly bilýi mindettelgen.