Memleket basshysynyń Jarlyǵymen Mádına Erasylqyzy Ábilqasymova Qazaqstan Respýblıkasynyń Eńbek jáne halyqty áleýmettik qorǵaý mınıstri qyzmetine taǵaıyndaldy, dep habarlaıdy Qamshy.kz aqparat agenttigi Aqordanyń baspasóz qyzmetine silteme jasap.

Sonymen qatar, Prezıdent saıtynda Memleket basshysynyń Jarlyǵymen Tamara Dúısenovanyń Qazaqstan Respýblıkasynyń Eńbek jáne halyqty áleýmettik qorǵaý mınıstri qyzmetinen bosatylǵany jaıynda habarlandy.

Mádına Erasylqyzy 1978 jyly 1 tamyzda týǵan. 1999 jyly Qazaq Memlekettik Basqarý Akademıasyn «halyqaralyq ekonomıkalyq qatynastar» mamandyǵy boıynsha bitirgen. 2002 jyly Kolýmbıa ýnıversıtetin halyqaralyq qatynastar magıstri dárejesimen «ekonomıkalyq saıasatty basqarý» mamandyǵy boıynsha bitirgen. 2011 jyly Garvard ýnıversıtetiniń Kennedı atyndaǵy Memlekettik basqarý mektebin «memlekettik basqarý magıstri» mamandyǵy boıynsha bitirgen.

Eńbek jolyn 1999 jyldan 2001 jylǵa deıin - Qazaqstan Respýblıkasynyń strategıalyq josparlaý agenttiginiń bas mamany bolyp bastaǵan.

2003 jyldan 2004 jylǵa deıin - Qazaqstan Respýblıkasynyń Ekonomıka jáne búdjettik josparlaý mınıstrliginiń strategıalyq josparlaý basqarmasynyń bastyǵy.

2004 jyldan 2006 jylǵa deıin - «Marketıńtik-taldamalyq zertteýler ortalyǵy» AQ memlekettik saıasatty taldaý departamentiniń dırektory.

2006 jylǵy aqpannan 2008 jylǵy naýryzǵa deıin - Qazaqstan Respýblıkasynyń Premer-Mınıstri Keńsesiniń Áleýmettik-ekonomıkalyq bólim meńgerýshisiniń orynbasary.

2008 jylǵy naýryzdan 2011 jylǵy qyrkúıekke deıin - Qazaqstan Respýblıkasynyń Prezıdent Ákimshiliginiń Strategıalyq ázirlemeler jáne taldaý ortalyǵy meńgerýshisiniń orynbasary.

2011 jylǵy qyrkúıekten 2013 jylǵy aqpanǵa deıin - Qazaqstan Respýblıkasynyń Ekonomıkalyq damý jáne saýda vıse-mınıstri.

2012 jyldan bastap Dúnıejúzilik banktiń Qazaqstandaǵy basqarýshysynyń orynbasary

2013 jylǵy aqpannan 2014 jylǵy tamyzǵa deıin - Qazaqstan Respýblıkasynyń Ekonomıka jáne búdjettik josparlaý vıse-mınıstri.

Taǵaıyndaýǵa deıin 2014 jyldyń tamyzynan bastap Qazaqstan Respýblıkasy Ulttyq ekonomıka vıse-mınıstri qyzmetin atqardy.

«Astananyń 10 jyldyǵy», «Qazaqstan Respýblıkasynyń Táýelsizdigine 20 jyl», «Eren eńbegi úshin», «Qazaqstan halqy Assambleıasyna 20 jyl», İİ dárejeli «Eýrazıalyq ekonomıkalyq odaǵyn qurýǵa qosqan úlesi úshin», «QR táýelsizdigine 25 jyl» medaldarymen marapattalǵan.

Esterińizge sala ketsek, búgin QR Prezıdenti Nursultan Nazarbaev Tamara Dúısenovaǵa mindetti áleýmettik medısınalyq saqtandyrýdy engizýdi máselesine qatysty syn aıtqan bolatyn.