Otyrys barysynda qarjy mınıstri B. Sultanovtyń, ulttyq ekonomıka mınıstri T. Súleımenovtiń, ınvestısıalar jáne damý mınıstri J. Qasymbektiń, energetıka mınıstri Q. Bozymbaevtyń, aqparat jáne komýnıkasıalar mınıstri D. Abaevtyń, densaýlyq saqtaý mınıstri E. Birtanovtyń, bilim berý mınıstri E. Saǵadıevtiń Úkimettiń keńeıtilgen otyrysynda Memleket basshysy qoıǵan mindetterdi oryndaý máseleleri jónindegi esepteri tyńdaldy.
Sondaı-aq talqylaýǵa Ulttyq bank tóraǵasy D. Aqyshev, QR Premer-mınıstriniń birinshi orynbasary A. Mamın, QR Premer-mınıstriniń orynbasarlary Ó. Shókeev, E. Dosaev, A. Jumaǵalıev jáne «Atameken» UKP basqarma tóraǵasy A. Myrzahmetov qatysty.
Otyrys qorytyndysy boıynsha Premer-mınıstr Baqytjan Saǵyntaev memlekettik organdardyń ár basshysynyń jeke jaýapkershiligin atap ótip, naqty tapsyrmalar berdi.
