Talǵardaǵy bas sý toraby qazir 8 eldi mekendi, sonyń ishinde Talǵar qalasynyń tórtten bir bóligin, ıaǵnı 35 myń halyqty aýyz sýmen qamtyp otyr dep jazady Qamshy.kz aqparat agenttigi Almaty oblysy ákimdigine silteme berip.
- Talǵarda aýyz sýdyń eki bastaý kózi bar - jer asty sýy jáne ashyq sý toraby. Ashyq sý torabynyń kemshiligi - jańbyr kezinde sý laılanady. Sondyqtan aldaǵy ýaqytta Talǵarda aýyz sý máselesin tolyq sheshý úshin Talǵar qalasyndaǵy jer asty sý kózindegi sý toraby jelisinen nómiri 1-shi alańǵa deıingi magıstraldy sý taratpasynyń qurylysy men jóndeý jumystarynyń jobalyq-smetalyq qujattary daıyndaldy. Jobanyń smetalyq quny 1,3 mlrd. teńge-, dedi oblys ákimi Amandyq Batalov
Oblys basshysy Talǵar aýdany 200 myńnan astam halqy bar óte úlken aýdannyń biri ekenin aıta kele, bıylǵy jyly aýdannyń negizgi jobalary men josparlarynda Elbasy Joldaýynda aıtylǵan basymdyqtar basshylyqqa alynýy tıis ekenin eskertti.
