Qazaqstandyq ánshi Dımash Qudaıbergen Top global Chinese music awards júldesiniń "Jyldyń eń tanymal ánshisi" nomınasıasynda jeńiske jetti, dep jazady Qamshy.kz aqparat agenttigi. 

«CCTV telearnasy jyl saıynǵy Top global Chinese music awards atty marapattaý keshin ótkizýde. Búgingi keshte "Jyldyń eń tanymal ánshisi" nomınasıasynda ekinshi jyl qatarynan jeńimpaz atanyp otyrmyn. Sizderdi qatty jaqsy kóremin, mahabbattaryńyzǵa úlken rahmet", - dep jazdy Dımash Instagramdaǵy óz paraqshasyna.

Aıta keteıik, «Singer 2017» án dodasynda ekinshi oryn alǵannan keıin Dımashtyń Qytaıda jáne basqa da elderde tanymaldylyǵy arta tústi. 2017 jyly ol Qytaıdyń birqatar júldelerin jeńip aldy. Ótken aıda Dımash Qudaıbergen Qytaıdaǵy Global golden chart awards saltanatty keshinde «Úzdik ártis» nomınasıasynda jeńimpaz atandy.