Aldyn ala málimet boıynsha, Reseıde apatqa ushyraǵan An-148 ushaǵynda bolǵan jolaýshylar arasynda Qazaqstan azamattary joq. Bul týraly QR Syrtqy ister mınıstrligi baspasóz qyzmetiniń jetekshisi Ánýar Jaınaqov málim etti, dep habarlaıdy Qamshy.kz aqparat agenttigi. Bul týraly Ánýar Jaınaqov óziniń feısbýk paraqshasyna jarıalady.

«Aldyn ala málimet boıynsha, Reseıdiń Máskeý oblysynda apatqa ushyraǵan An-148 ushaǵynda bolǵan jolaýshylar arasynda Qazaqstan azamattary bolǵan joq. Reseıdegi bizdiń dıplomattar jergilikti qyzmettermen udaıy baılanysyp otyr jáne jaǵdaıdy baqylaýdy jalǵastyrýda. Áýe apatynda qaza bolǵan barsha jandardyń otbasylary men jaqyndaryna qaıǵyra kóńil aıtamyz», - dep jazdy Ánýar Jaınaqov Feısbýktegi paraqshasyna.

Eske salsaq, 11 aqpanda Máskeýdiń Domodedovo áýejaıynan kókke kóterilgen An-148 jolaýshylar ushaǵy kóp uzamaı radardan joǵalyp ketti. Keıin ushaq qaldyqtary Máskeý oblysynyń Ramensk aýdanynda tabylǵany málim etildi.  «Saratov áýe jelileri» kompanıasyna tıesili ushaqtyń bortynda 65 jolaýshy men 6 ekıpaj múshesi boldy. Olardyń barlyǵy ashal qushty.