SHQO bıyl QR Konstıtýsıasynyń 20 jyldyǵyna oraı, prokýratýra, sot, ıýstısıa, memlekettik qyzmet isteri jáne sybaılas jemqorlyqqa qarsy is-qımyl agenttigi jáne barlyq deńgeıdegi máslıhat ókilderiniń qatysýymen «Jeti jarǵydan Konstıtýsıaǵa deıin» aksıasy ótkiziledi, dep habarlaıdy SHQO Aqparattyq ortalyǵy.

– QR Konstıtýsıasynyń 20 jyldyǵyna oraı, óńirde uıymdastyrylatyn is-sharalar tizimindegi negizgi basymdyq – quqyqtyq mádenıettiń qalyptasýyna, memlekettik qurylym qaǵıdattarynyń negizi retinde zańnyń ulyqtylyǵyna beriledi. Mereıtoılardy atap ótý boıynsha bekitilgen oblystyq josparyna aımaqta ótkiziletin ǵylymı-praktıkalyq konferensıalar, dárister, synyp saǵattary, patrıottar forýmy, merekelik sherýler, dóńgelek ústelder kiredi, – dedi SHQO Aqparatyq ortalyǵynda ótken brıfıńte oblys ákiminiń orynbasary Jaqsylyq Omar.

J.Omardyń aıtýynsha, aımaqta ótkiziletin is-sharalarǵa jastar, qalalar men aýdandardaǵy barlyq ardagerler qatysady. Sondaı-aq, merekege oraı SHQO tamyz aıynda bastalatyn jalpyultttyq aksıasy QR Konstıtýsıa kúni 16 jasqa tolǵan azamattarǵa pasport, jeke kýálik tapsyrý saltanaty uıymdastyrylady. Dál osy kúni Óskemendegi Botpaı taýyndaǵy Rámizder kesheninde memlekettik qyzmetke alynǵan jas qyzmetshilerdiń dástúrli ant qabyldaý saltanaty ótkiziledi.