An-148 qulaǵan jerde myńnan astam máıit bóligi men 500-ge jýyq ushaq synyǵy tabyldy, dep habarlaıdy Qamshy.kz aqparat agenttigi RIA Novostı saıtynyń deregine súıenip.

Oqıǵa ornynda izdeý jumystaryn júrgizýge qalyń jaýǵan qar kedergi keltirip otyr, arnaıy tehnıka men drondar jumyldyrylǵan. İzdeý sharalary taǵy bir aptaǵa sozylatyn boldy.

Eki qara jáshik tabylyp, Memleketaralyq avıasıalyq komıtet taldaý jumystaryn bastap ketti.

Eske salsaq, Máskeýdiń Domodedovo áýejaıynan kókke kóterilgen An-148 jolaýshylar ushaǵy kóp uzamaı radardan joǵalyp ketti. Keıin ushaq qaldyqtary Máskeý oblysynyń Ramensk aýdanynda tabylǵany anyqtaldy.  «Saratov áýe jelileri» kompanıasyna tıesili ushaqtyń bortynda 65 jolaýshy men 6 ekıpaj múshesi bolǵan. Olardyń barlyǵy qaza tapty.