«Qazgıdromet» RMK 13 aqpanda Qazaqstandaǵy aýa sapasynyń qandaı bolatynyn jarıalady, dep habarlaıdy Qamshy.kz aqparat agenttigi. Seısenbide meteorologıalyq jaǵdaılar 16 qalada aýanyń lastanýyna sebep bolady.

Qolaısyz meteojaǵdaılar Aqtóbe, Aqsaı, Oral, Aqsý, Ekibastuz, Pavlodar, Almaty, Astana, Atyraý, Balqash, Qaraǵandy Kókshetaý, Petropavl, Taldyqorgan, Temirtaý, Óskemen qalalarynda aýada lastaýshy zattardyń shoǵyrlanýyna yqpal etetin bolady.

Atyraý atmosferasynda azdaǵan lastaýshy zattar jınalýy múmkin.

Sonymen qosa Aqtaý, Jańaózen, Qostanaı, Kyzylorda, Taraz, Shymkent qalalarynda atmosferaǵa lastaýshy zattar taralady.

Aýanyń lastanýyna boljam jasaýda atmosferadaǵy zıandy zattardyń jınalýyna yqpal etetin meteorologıalyq faktorlar, atap aıtqanda, jelsiz aýa, baıaý jel, tuman, ınversıa eskeriledi.