Bul týraly Almaty qalasy Óńirlik komýnıkasıalar qyzmetinde ótken brıfıńte Eńbek, áleýmettik qorǵaý jáne kóshi-qon Komıtetiniń Almaty qalasy boıynsha departamentiniń basshysy Narmatov Aıdynjan aıtty.

Onyń aqparatynsha, Memleket basshysynyń tapsyrmasy boıynsha 2013 jyly elimizde Biryńǵaı jınaqtaýshy zeınetaqy qory qurylyp, oǵan zeınetaqy aktıvterin shoǵyrlandyrý jumysy aıaqtaldy. Bul rette memlekettiń zeınetaqy jınaqtarynyń saqtalýyna beretin kepildigi ózgergen joq.

Zeınetaqy jınaqtaryn ulǵaıtýdy qamtamasyz etý maqsatynda 2014 jylǵy 1 qańtardan bastap:

a) bala bir jasqa tolǵanǵa deıin onyń kútimimen demalysta otyrǵan jumys isteıtin áıelderdiń mindetti zeınetaqy jarnalaryn sýbsıdıalaý júrgizilýde;

b) eńbek jaǵdaılary zıandy (erekshe zıandy) jumystarda isteıtin qyzmetkerlerdiń paıdasyna jumys berýshilerdiń qarajaty esebinen 5 %-dyq mindetti kásiptik zeınetaqy jarnalary (MKZJ) engizildi;

v) áıelderdiń zeınetkerlikke shyǵý jasyn kezeń-kezeńimen arttyrý júzege asyrylýda.

Áıelderdiń zeınetkerlikke erte shyǵý múmkindigin saqtap qalý:

1) tótenshe jáne radıasıa qaýpi eń joǵary aımaqtarda 1949 jylǵy 29 tamyz ben 1963 jylǵy 5 shilde aralyǵyndaǵy kezeńde keminde 5 jyl turǵan áıelder 45 jasta;

2) 5 jáne odan kóp bala týǵan (asyrap alǵan) jáne olardy segiz jasqa deıin tárbıelegen áıelder 53 jasta; 

3) zeınetaqy anýıtetin ıemdengen jaǵdaıda zeınetaqy jınaqtary jetkilikti bolsa 50 jasta zeınetkerlikke erte shyǵa alady,-dep atap ótti.