Osy aptada Almaty qalasy qorǵanys isteri jónindegi departamentiniń áskerı qyzmetshileri "Uıymdarda áskerı esepke allýdy júrgizý" taqyrybynda semınar uıymdastyrdy, dep jazady Qamshy.kz aqparat agenttigi.
Áskerı esepke alý tártibin aıqyndaıtyn negizgi normatıvtik quqyqtyq qujat pen áskerı mindettiler men áskerge shaqyrylýshylardy áskerı esepke alý qaǵıdalaryn Almaty qalasy qorǵanys isteri jónindegi departamentiniń ókili podpolkovnık Mıxaılıchenko Egor túsindirdi. Semınardyń maqsaty men mindeti - Áskerı esepke alýdyń maqsaty memlekettiń qorǵanysyn jáne qaýipsizdigin qamtamasyz etý úshin áskerge shaqyrylýshylar men áskerı mindettilerdi tıimdi paıdalaný múddelerinde olardyń bar bolýyn aıqyndaý. Semınarda mynadaı máseleler qamtyldy: - áskerı esepke alýdyń túrleri; - azamattardyń Áskerı qyzmet týraly zańdy jáne Áskerı esepke alý qaǵıdalarynyń oryndaýyna baqylaý; - T-2 jeke kartochkasyn rásimdeý jáne toltyrý; - "áskerı mindettilermen áskerı jıyndaryna" uıymdardyń qyzmetkerlerin tartý tártibi. Sonymen qatar atalǵan semınarǵa 5000 adamdy quraıtyn iri kompanıalar men uıymdardyń basshylary men kadr bóliminiń qyzmetkerleri qatysty.
Atap aıtatyn bolsaq, "Almaty Energetıka jáne baılanys ýnıversıteti" AQ, Sankt-Peterbýrg ýnıversıteti, "Almaty jylytý jelisi" JSHS, "Evrazıa Fýds Korporeıshn" AQ, “Galanz bottlers” AQ, "Amrıta Saýda úıi" JSHS laýazymdy tulǵalar qatysty.
Semınarda uıymdardyń basshylary jeti jumys kúniniń ishinde jergilikti áskerı basqarý organdaryna áskerı mindettilerdiń, áskerge shaqyrylýshylar men áskerge shaqyrý jasyna deıingilerdiń sandyq jáne sapalyq quramyn rastaıtyn qujattardy usyný kerektigi aıtyldy. Qazaqstan Respýblıkasynyń Ákimshilik quqyq buzýshylyq týraly kodeksiniń 642- babyna sáıkes Bastapqy áskerı esepke qoıýǵa ne áskerge shaqyrý ýchaskelerine tirkelýge jatatyn azamattardyń tizimderin belgilengen merzimde jergilikti áskerı basqarý organyna usynbaý nemese ýaqtyly usynbaý - uıymdardyń, oqý oryndarynyń laýazymdy adamdaryna, sondaı-aq turǵyn úılerdi paıdalanýdy júzege asyratyn uıymdardyń laýazymdy adamdaryna jáne úı ıelerine – on, uıymdardyń, oqý oryndarynyń birinshi basshylaryna – on bes, shaǵyn kásipkerlik sýbektilerine – jıyrma, orta kásipkerlik sýbektilerine – otyz, iri kásipkerlik sýbektilerine qyryq aılyq eseptik kórsetkish mólsherinde aıyppul salýǵa ákep soǵatynyn eskertti.
Aldaǵy ýaqytta da osyndaı semınarlar ótkizilmek.
Qarlyǵash Musabekqyzy
