Kıikbaı Jaqypuly esimdi Facebook qoldanýshysy Nazarbaev mektebine túsý úshin tapsyratyn synaq kitapshasynda MS Saılaýbek týraly suraq júrgenine narazylyq bildirdi. Ol tanymal reperdiń esimi engizilgen kitapshany vıdeoǵa túsirip, «Aıtarym joq... ne bolyp ketti!», – dep jazdy. Bul jarıalanymdy júzdegen adam bólisip, qyzý talqyǵa saldy, dep habarlaıdy Qamshy.kz aqparat agenttigi. 

Saılaýbektiń esimi test kitapshasyna ne maqsatpen engizilgeni belgisiz. Avtorlary Qazbek Saǵıdolda men Serikbolsyn Dúısembaı dep kórsetilgen oqý quralynda MS Saılaýbektiń «Aıtýǵa ońaı», «Pýstgovorát» telebaǵdarlamalary arqyly tanylǵany aıtylady. Buǵan qosa, onyń jasy, qaı jerdiń týmasy ekeni egjeı-tegjeıli jazylypty.

Al sońynda «MS Saılaýbekti juldyz bolýyna ne áser etti?» degen suraq qoıylady.

Muny kórgen kópshilik sýret fotoshop dep senimsizdik tanytsa, birqatary kitapqa engen osyndaı mysaldardan soń eldiń bolashaǵyna kúmán keltirgen.