Aıagóz aýdanynyń ákimdigi, oblystyq bilim basqarmasy jáne «KazMinerals Aktogay» JSHS arasynda úshjaqty memorandýmǵa qol qoıyldy.
Kelisim aıasynda, Aıagóz qalalyq poıtehnıkalyq koleji endi Aqtoǵaı ken ornyna mamandardy ázirlemek.
Q.R. Prezıdenti N.Á.Nazarbaevty «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri» atty Joldaýyn iske asyrý maqsatynda aýdan jastary jumyspen qamtylyp, respýblıkadaǵy iri ken oryndarynyń biri kásibı mamandarmen tolyqpaq. Osy oraıda Aıagóz aýdanynyń ákimi Baqytjan Baıahmetov, «KazMinerals Aktogay» JSHS dırektory MarkLı Peıdj jáne SHQO bilim basqarmasy basshysynyń mindetin atqarýshy Saırangúl Jumadılovanyń qatysýymen úsh jaqtymemorandýmǵa qol qoıyldy.
Qabyldanǵan memorandým aıasynda Aıagóz qalalyq polıtehnıkalyq kolejiniń materıaldyq-tehnıkalyq bazasy nyǵaıyp, stýdentter ken baıytý kombınatynda is-tájirıbeden óte alady. Artynsha biliktiligimen kózge túsken jas mamandar atalmysh kenornynda jumyspen qamtylmaq.
