Danıal Ahmetov oblys ákimi apparatynyń jańa basshysyn tanystyrdy. Aımaq basshysynyń ókimimen bul qyzmetke Rınat Muratuly Omarov taǵaıyndaldy.
Rınat Omarov 1973 jyly 14 aqpanda Almaty qalasynda dúnıege kelgen. 1998 jyly «Býhgalterlik esep jáne aýdıt» mamandyǵy boıynsha Qazaq memlekettik agrarlyq ýnıversıtetin támamdady jáne D.Qonaev atyndaǵy gýmanıtarlyq kólik jáne quqyq ýnıversıtetinde «Elektrenergetıkasy» mamandyǵy boıynsha tehnıka ǵylymdarynyń magıstri biligin aldy. Ǵylymı ataǵy - saıasat ǵylymdarynyń kandıdaty.
2011 jyly «Eren eńbegi úshin» medalimen, sondaı-aq, birqatar mereıtoılyq tósbelgilerimen marapattaldy.
Eńbek jolyn Almaty oblysynyń statısıka basqarmasynda búdjetter statısıka bóliminde ekonomıs bolyp bastady. 1999-2003 jyldar aralyǵynda «Almatyqalabezendirý» AQ-nyń Atyraý, keıin Astana qalasyndaǵy fılıaldarynyń dırektory boldy. 2004 jyly «Almatyqalabezendirý» JAQ Vıse-prezıdenti laýazymyna taǵaıyndaldy. Birneshe jyl Almaty ákimdiginde, sonymen qatar Astana ákimi apparatynda qyzmet etti. «Astana – Energıa» AQ basqarma tóraǵasynyń orynbasary, keıin Almaty qalasynda «Azıa energetıka kompanıasy – AEK» JSHS damytý jónindegi dırektory mindetin atqardy. 2016 jyldyń shildesinde SHQO energetıka jáne turǵyn úı-kommýnaldyq sharýashylyq basqarmasyn basqardy. 2017 jyldyń maýsymynda Shyǵys Qazaqstan oblysy ákiminiń orynbasary laýazymyna taǵaıyndaldy.
Apparattyń jańa jetekshisin tanystyrǵan oblys ákimi Danıal Ahmetov onyń kásibı sheberligi men mol tájirıbesin atap ótti.
- Apparat qyzmeti tikeleı adamı kapıtalmen baılanysty. Qyzmetkerlerdiń jaýapkershilik deńgeıin kóterýdi tapsyramyn. Sonda ǵana atqarýshy bılik jumysynyń tıimdiligi baıqalatyn bolady, - dedi Danıal Ahmetov.
