SHQO-da demalamyn deýshi týrıserge arnalǵan uıaly telefondaǵy QR-kody jumys jasaıtyn qosymsha iske qosylmaq. Elektrondy skanerleıtin jáne tólem qujattaryn tanıtyn mobıldi qosymsha aımaqtaǵy eń tanymal týrstik nysan Alakól demalys bazasyna engizilmek.
Jobany júzege asyrý úshin jergilikti bılik «Beeline» uıaly telefon operatorymen kelisimshart jasasqan. Óskemendik «Kar-tel» JSHS-i fılıalynyń dırektory Sergeı Soıdyń aıtýynsha, qyzmetti tóleý úshin uıaly telefonyńyzǵa birlik salyp, satýshyda bar qyzmet pen taýardyń shtrıh-kodyn skanerlese jetip jatyr. Ǵalamtordyń úzdiksiz jumys isteýi úshin «Kazaqtelekom» AQ satýshysyna da birqatar suraqtar ázirlenýde.
– Bul óte yńǵaıly. Halyqqa jaǵajaıǵa ózimen birge sómke nemese ámıan tasyp júrýdiń esh qajeti joq. Telefon ǵana kerek. Qyzmettiń mundaı túri urlyq pen alaıaqtyqtyń etek jaımaýyna da negiz bolady, – dedi SHQO týrızm jáne syrtqy baılanystar basqarmasynyń basshysy Jasulan Sársebaev.
Atalmysh qyzmet túri Cash back amalynyń qoldanýshylaryn da qýantatyn bolady. Ol satyp alatyn zattyń quny men qyzmetin bildiredi. Siz neǵurlym «elektrondy aqshany» qoldanar bolsańyz, soǵurlym jumsalǵan aqshańyz qaıtarylmaq.
Týrnysannyń sıfrlanýy munymen aıaqtalǵan joq. Jaqynda demalýshylarǵa SHQO-daǵy sakraldy nysandar jaıly arnaıy aýdıogıd baıandap beretin bolady. Qazirdiń ózinde kez-kelgen erikti toureast.kz saıtyna kirip, onlaın-daýys berýge qatysa alady. Sondaı-aq, sakraldy aımaqtar týrıserdiń qosymsha amaldar mázirine enýine yqpal etedi. Aıta keteıik, bul qyzmet túri aldaǵy ýaqytta qazaq, orys, aǵylshyn jáne qytaı tilinde qoljetimdi bolady.
SHQO-daǵy komýnıkasıanyń aımaqtyq qyzmetiniń baspasóz-konferensıasy barysynda, SHQO týrızm jáne syrtqy baılanystar basqarmasynyń basshysy Jasulan Sársebaev aıtyp ótkendeı, halyqtyń kópshiligi demalysqa týragenttik jáne gıdterdiń kómegin júginbeı, óz erkimen shyqqandy jón sanaıdy. Óz kezeginde, sol barar jerdiń tarıhy men ereksheligin bilý úshin osyndaı jańashyldyq qolǵa alynyp otyr. Qazir amaldar mázirine enetin nysandar qataryna 34 sakraldy aımaq engen. Olardyń qatarynda Abylaıkıt qamal-shirkeýi, Aq-baýyr, Arqarbaı Shoqantaıuly kesenesi, Ashýtas taýy, Eńlik-Kebek mazary, F.M.Dostoevskıı atyndaǵy murajaı-úıi, «Alash Arystary» murajaı-úıi, «Ólimnen kúshti» monýmenti jáne basqalary.
Árbir týrıs aýdıogıdty aqysyz túrde qoldana alady, barlyq jazbalar toureast.kz saıtyndaǵy Play Market jáne App Store platformasyndaǵy ashyq qol jetimdilikke engiziledi.
– Amaldar máziriniń onlaın, sonymen offlaın-tártibinde qoljetimdi bolýy asa mańyzdy. Mysaly, shalǵaıdaǵy bir jerge bardym, onda ǵalamtor jelisi nashar jumys isteıdi, osy kezde ózime aldyn ala aýdıogıd jazyp alyp, sol jerde emin-erkin qoldanýyma bolady. Jazdyń ortasy – týrmaýsymnyń qyzyǵan shaǵynda, amaldar máziri qoldanysqa enedi dep oılaımyn, – dedi Jasulan Sársebaev.
Sóz sońynda aıta ketý kerek, sońǵy ýaqytta Shyǵys Qazaqstanda ishki jáne syrtqy týrızm qarqyndy damýda. Týrıserdi ornalastyrý sany jaǵynan SHQO elimiz boıynsha aldyńǵy qatarda. Mundaı demalýyshylarǵa arnalǵan 495 oryndar bar.
