Fransıada polısıa 30 jyl boıy áıelderdi zorlaǵan qylmyskerdi ustady. 1988 jyldan bastap qylmys jasap, áıelderdi zorlap júrgen fransýz 26 aqpanda ustaldy dep habarlaıdy Lenta.rý.

Qylmysker óziniń kinásin tolyq moıyndap, 40-qa jýyq áıeldi zorlǵanyn aıtqan. Jasy 50-ge kelgen er adam qylmysty jasaýdaǵy sebebin óz-ózin ustaı almaǵandyǵy dep túsindirgen. Ol qylmystaryn tańǵy ýaqytta, qarańǵy kezde  qolyna qolǵap kıip jasaǵanyn aıtqan.

Polısıa er adamdy sońǵy qylmysynan keıin birden taýyp alǵan. Belgıa azamatshasy ózin zorlaǵanyn aıtyp quqyq qorǵaý organdaryna shaǵymdanǵan. Fransıada taǵy 19 áıel zorlyqtyń qurbany bolǵany belgili boldy. 

Qylmyskerdiń otasyly, 3 balasy bar ekeni anyqtaldy. Ol fýtbolıst, óziniń turǵylyqty jerinde ornalasqan fýtbol klýbynyń prezıdenti eken. Jaqyndary men tanystary ony óte sypaıy adam, jaqsy áke jáne kúıeý degen kózqaras bildirgen.