Habarovsk qalasynyń shetinen 26 adamnyń shabylǵan qoly salynǵan qap tabyldy, – dep habarlaıdy jergilikti Qamshy.kz aqparat agenttigi DVHab.ru basylymynyń deregine súıenip.

Qaptyń janynan bıntter men bahılder de tabylǵan, sol sebepti tergeýshiler medısınalyq mekeme bıomaterıaldardy osynda laqtyrǵan degen boljam aıtyp otyr.

Quqyq qorǵaý organdary anyqtaǵandaı, qoldardyń bári shabylǵan. Saýsaq izderi boıynsha saraptama jasaldy. Tolyǵyraq aqparat qatań túrde qupıa saqtalady.

Polıseıler sol mańdy zerttep, turǵyndardan jaýap alyp jatyr. Jergilikti balyqshylar kúdik týǵyzatyndaı eshteńe baıqamapty.

Keıinirek Reseıdiń Tergeý komıteti osy derekke qatysty málimet berdi.

«Tabylǵan bıologıalyq nysandardyń (adam qoly) qylmysqa eshqandaı qatysy joq, biraq bulaı laqtyrylýy zańǵa qaıshy keledi. Tergeýshiler oqıǵanyń mán-jaıyn anyqtap jatyr», — delingen vedomstvo habarlamasynda.