Ózbekstanda birneshe kúrdeli másele bar: birinshisi, Ózbekstanda uzaq merzimde týý kórsetkishi bıik kólemde. Halyqtyń tez ósýi áleýmettik shyǵyndardyń ósýin talap etedi, al qarjy joqtyń qasy. Kelesi faktor: bıik deńgeıdegi jumyssyzdyq. Ózbek jurtshylyǵynyń 3-5 mıllıony Reseıde jáne Qazaqstanda jalshy - emıgrant qara jumysshy bolyp júr. Reseı men Qazaqstannan tapqan taıanǵanyna ózbek otbasylaryna jiberip, olar un men ósimdik maıyn alyp júrek jalǵap,arzan tovarlardy kıim-keshek retinde tutynyp keledi. Ózbekstan qazaqtary ata mekenge qaıtýda. Ózbekstannyń burynǵy basshysy – Islam Karımov júıeli naryqtyq reformalardy jasamady, Ózbekstanda negizinen reformalar stıhıalyq túrde ornady, udaıy tejelip otyryldy,biraq Karımovtyń otbasy korrýpsıalyq jolmen kóp dáýletti qarmap qaldy. Karımovtyń otbasy korrýpsıalyq isterimen halyqqa súıkimi ketti. Bılikke kelgen Mırzıaeev óz bıligin nyǵaıtý maqsatymen basqa dámeli saıası personalardy basqarýshy toptan ysyrýda, qylmystyq ister ashýda. Mırzıaeev popýlısik maqsatpen eski saıasatty synap jaǵdaıdy ońdamaq. Biraq Ózbekstanǵa reformalar jasaýǵa ýaqyt kerek, sol sıaqty qomaqty qarjy kerek.Mırzıaeevte ne qosymsha ýaqyt, ne qosymsha qarjy joq. Ózbekstan negizinen monoulttyq memleket. Biraq az bolsa da qalǵan orystar men qazaqtar ata mekenine ketedi. Esesine Ózbekstannyń tájikteri syrtqa kóshpeıdi, tek eńbek emıgrasıasyna ketedi.

Bılik qadamdary men áreketteri. Senarıler:

a) Paýza

b) Test rejımi:Mırzıaeevte halyq úmiti men halyq senimi bar.Sol senimdi ol bas sheneýnikterdi almastyrýǵa menshikti qaıta bólisýge jumsap jatyr.

c) Konservatıvtik qadamdar.Islamızmmen kúresý.Islamshyldyqpen kúresý

d) Pallıatıvtik reformalar

e) Radıkaldyq ekonomıkalyq, saıası jáne quqyqtyq reformalardyń bastalýy

f) Aqparattyq tartystar.

Bıliktik jáne beıresmı toptardyń qadamdary men áreketteri. Senarıler:

a) Paýza-Tolyq boıkúezdik, ymyrt belgileri

b) Test rejımi- “erkin baspasózdiń” taralym alýy- “jylymyq”

c) Konservatıvtik qadamdar-halyq Mırzıaevti “qoldaı bastaý” belgileri-qoldaý mıtıńteri. Islamızmmen kúresý. Islamshyldyqpen kúresý

d) Pallıatıvtik reformalar men “ósh alý men jańa tárkileý kezeńi súıkimsiz olıgarhtardyń múlki men dáýleti men qarjylaryn ıemdený, bılik pen dáýletti qaıta bólisý. Jańa olıgarhtardyń paıda bolýy”

e) Radıkaldyq ekonomıkalyq, saıası jáne quqyqtyq reformalardyń bastalýy.

f) Azamat soǵysynyń qylań berýi - Ózbekstannan emıgrasıanyń kúrt ósýi. Kapıtaldyń

Ózbekstannan qashýy.

g) Aqparattyq tartystar

Qazaqstan bıliginiń Ózbekstanǵa saıasaty. Bılik qadamdary men áreketteri. Senarıler:

a) Paýza - analıtıkalyq taldaý men baqylaý kezeńi

b) Test rejımi - Qazaqstan men Ózbekstan bıliginiń resmı jáne beıresmı áreketteri, probalyq qadamdar jáne reaksıa kútý.

c) Konservatıvtik qadamdar- Qazaqstan Ózbekstan bıliginiń resmı jáne beıresmı Mırzıaevti “qoldaı bastaý” belgileri-qolaıly kelisimsharttar jasasý. Nazarbaev Ózbekstanǵa birqatar ınısıatıva jasaıdy. Mırzıaevti Astanada keremet qylyp qabyldaıdy.

d) Pallıatıvtik reformalar men “ósh alý men jańa tárkileý kezeńi súıkimsiz olıgarhtardyń múlki men dáýleti men qarjylaryn ıemdený, bılik pen dáýletti qaıta bólisý kezeńinde jeke ózbek olıgarhtardy, sheneýnikterdi qoldaý jáne jańa olıgarhtardy paıdalaný”

e) Radıkaldyq ekonomıkalyq, saıası jáne quqyqtyq reformalardyń bastalýy.

f) Azamat soǵysynyń qylań berýi- Ózbekstannan emıgrasıanyń kúrt ósýi.Qazaqstanǵa qaraqalpaq emıgrasıasy ósedi.Kapıtaldyń Ózbekstannan Reseı men Qazaqstanǵa qashýy.

g) Aqparattyq tartystar

Ázimbaı Ǵalı