Eger elden shyqpaı jaqsy demalǵyńyz kelse, Qamshy.kz aqparat agenttigi usynatyn Qazaqstandaǵy aldyńǵy qatary demalys oryndaryna nazar salyńyz.  

Alakól

«Jer jánnaty — Jetisýda» ózen men kóldiń qarasy qalyń. Sonyń ishinde kólemi jaǵynan Balqashtan keıingi ekinshi kól – Alakól. Tuzdy aǵynsyz kól Almaty men Shyǵys Qazaqstannyń shekarasynda ornalasqan.

Alakól — emdik qasıeti óte mol aǵynsyz sý qoımasy. Mundaǵy Arqanyń qýań dalasyndaǵy qurǵaq aýa teńiz betindegi dymqyl aýamen aralasyp jaǵasyndaǵy adamǵa jaǵymdy áser beredi. Kól sýy da mıneraldy resýrstarǵa, ıodqa, tuzǵa, hımıalyq elementterge baı bolǵandyqtan, sýdyń densaýlyqqa paıdasy medısınada dáleldengen. Jergilikti jerdiń aýasy dertke shıpa bolady.

Balqash

Balqash – jartylaı ashshy, jartylaı tushshylyǵymen erekshe tuıyq kól.

Keremet qumdy jaǵajaı, emdik balshyqtyń tabıǵı kózderi bar erekshe demalys ornynyń ásemdigin sózben aıtyp jetkizý múmkin emes.

Neni nazar aýdarýym kerek? Kóldiń jaǵasynda Balqash qalasynda taý-ken metalýrgıalyq kombınaty jumys isteıdi. Sondyqtan osy eldi mekennen alys demalys aımaǵyn tańdańyz.

Býrabaı

Kókshetaýdaǵy Býrabaıdy kópshilik Qazaqstandaǵy Shveısarıa dep ataıdy. Onyń ózindik sebebi de bar. Bul jerge tek qazaqstandyqtar ǵana emes sheteldikter de jıi keledi. Demalys orny orman men bıik  taýlardyń jáne ashyq kólderdiń ásem kombınasıasymen erekshelenedi.

Bul aımaqta jasy júzden asqan kóne qaraǵaıly orman bar. Taý aýasy men   qylqan japyraqty orman qalanyń qym qýyt tirshiliginen sharshaǵan aǵzaǵa emdik qasıetimen kómektesedi.

Kýrortta atpen júrýge, velosıpedterdi jalǵa alýǵa bolady jáne jergilikti baǵyttaýshylar da qyzmet kórsetedi.  

Buqtyrma sý qoımasy

 Ertis ózeninde, Shyǵys Qazaqstan oblysy aýmaǵynda, Qalba, Naryn, Kúrshim jotalary aralyǵynda ornalasqan Qazaqstandaǵy eń iri bógen.

Buqtyrmanyń ońtústik jáne soltústik jaǵalaýlary týrıserdiń súıikti orny, sondyqtan demalys aımaǵy bolyp tabylady. Sol jaǵalaýy enjar týrızmge arnalsa, oń jaǵalaýy belsendi demalys úshin óte yńǵaıly.

Altaı taýlarynda ornalasqan Buqtyrma teńiziniń sulýlyǵy  týrıserdi ózine tartady. Al rekreasıalyq aımaqtardyń basym bóligi qaraǵaıly ormandarmen qorshalǵan. Kóz qýantarlyq sulýlyqpen qatar densaýlyqqa paıdaly demalysty qalasańyz, Buqtyrmaǵa baryńyz.  

Baıanaýyl

Baıanaýyl eldi mekeni – kýrortty aımaq, ol 1985 jyly Ulttyq tabıǵı saıabaq statýsyna ıe boldy. Saıabaq tabıǵaty óte erekshe jaralǵan tabıǵatymen áıgili: Baıanaýyl taýlary batystan shyǵysqa qaraı 40-50 shaqyrym, soltústikten ońtústikke qaraı 20-25 shaqyrym.

Eń bıik núktesi – Aqbet taýy, ol 1026 mert bıiktikte. Taýly-ormandy oazıs 450 sharshy shaqyrymdy alyp jatyr, onyń negizgi ereksheligi – jartastar (Kempirtas, kógershin, Býlka (Naızatas), attyń basy, tas jastyqtar jáne t.b.), Sabyndykól (aýdany 7,4 sharshy shaqyrym) jáne Jasybaı (aýdany 4 sharshy shaqyrym) kólderi, úńgirler (Áýlıetas 22 m) jáne Draverta úńgiri (tastaǵy jazýlar), Qumyra (sarqyramasy bar 3 m), tas shatqaldary jáne t.b. kórikti jerlerdiń bolýy.

Jasybaı, Sabyndykól jáne Toraıǵyr kólderi jyl saıyn myńdaǵan týrıserdi qarsy alady, bul úshin kól jaǵalaýlarynda demalys úıleri men pansıonattar kóptep ornalasqan.