Aqyn, dramatýrg Nurlan Orazalın XV Quryltaıda Qazaqstan jazýshylar odaǵynan ketetinin málimdedi dep habarlaıdy Qamshy.kz aqparat agenttigi. 

Nurlan Orazalın jazýshylar odaǵynda 18 jyl qyzmet etti. Jazýshy 2002 jyly Qazaqstan Memlekettik syılyǵynyń laýreaty atandy. 1998 jyly Qazaqstannyń eńbek sińirgen qaıratkeri ataǵyn aldy. Almaty oblysynyń qurmetti azamaty atandy. 

• Nurlan Myrqasymuly Orazalın 1947 jyly 13 maýsymda Almaty oblysy Uıǵyr aýdany Dıqan aýylynda dúnıege kelgen.
• 1965 jyly mektepti kúmis medalmen bitirdi.
• 1965 - 1970 jyldary Ál-Farabı atyndaǵy Qazaq ulttyq ýnıversıtetiniń (burynǵy S.M.Kırov atyndaǵy Memlekettik ýnıversıteti) fılologıa fakúltetin bitirgen.
• 1970 jyly eńbek jolyn "Qazaqstan pıoneri" (qazirgi "Ulan") gazetinde ádebı qyzmetker bolyp jumys istedi.
• 1972-1984 jyldar aralyǵynda Qazaqstan Respýblıkasy mádenıet mınıstrliginiń repertýarlyq-redaksıalyq kollegıasynda redaktor, aǵa redaktor, bas redaktor qyzmetterin atqardy.
• 1984-1986 jyldarda Respýblıkalyq qýyrshaq teatrynyń dırektory boldy.
• 1986 jyly Qazaqstan teatr qaıratkerleri odaǵynyń I sezinde Odaq Basqarmasynyń birinshi sekretary bolyp saılandy.
• 1986 jyly ótken KSRO teatr qaıratkerleri Odaǵynyń I sezinde Basqarma quramyna endi.
• 1990 jyldar aralyǵynda Qazaq KSR Joǵarǵy Keńesi XII shaqyrylýynyń depýtaty boldy (Ult saıasaty, mádenıet pen tildi damytý jónindegi Komıtet Tóraǵasynyń orynbasary qyzmetin atqardy).
• 1991 jyldarda KSRO Joǵarǵy Keńesiniń Joǵarǵy Palatasynda ǵylym, bilim jáne mádenıet Komıteti tóraǵasynyń orynbasary.
• 1993-1996 jyldar aralyǵynda "Egemen Qazaqstan" gazetiniń bas redaktory qyzmetterin atqardy.
• 1996 jyly Qazaqstan Jazýshylarynyń XI sezinde Odaq Basqarmasynyń Birinshi sekretary bolyp saılandy.
• 2002 jyly Qazaqstan jazýshylarynyń XII sezinde Qazaqstan Jazýshylar odaǵy basqarmasynyń tóraǵasy bolyp qaıta saılandy.