Aldaǵy úsh kúnge jeti oblys pen Almaty qalasynda jaýyn-shashynnyń mol túsip, aýa temperatýrasynyń joǵarylaýyna baılanysty dabyldy eskertý jarıalandy dep habarlaıdy Qamshy.kz aqparat agenttigi. 

14-16 naýryzda Qaraǵandy oblysynda jaýyn-shashyn (jańbyr, qar) mol túsip, nólden joǵary aýa temperatýrasynyń saqtalýyna baılanysty óńirdiń ońtústigi men ońtústik-shyǵysynda qar erýi múmkin. 

14-16 naýryzda Qyzylorda oblysynda qatty jaýyn-shashyn (jańbyr, qar) bolyp, nólden joǵary aýa temperatýrasynyń saqtalýyna baılanysty oblystyń ońtústiginde ózen arnalary qysylyp, sý deńgeıi joǵarylap, alqaptarǵa sý jaıylýy yqtımal. 

16 naýryzda Almaty oblysy jáne Almaty qalasy, Jambyl, Ońtústik Qazaqstan, Shyǵys Qazaqstan oblystarynda jaýyn-shashyn túsedi, keı jerlerde qatty jańbyr jaýady, budan bólek jyly aýa temperatýrasynyń saqtalýy ózen arnalarynyń qysylýy men muzdyqtardyń jibýine ákeledi (Almaty oblysynda). Jazyq aýdandarda qar erip, al taýly aýdandarda baýraıly aǵyndar qalyptasyp, sý deńgeıi joǵarylaıdy dep boljanyp otyr. 

14 shi naýryzda Qostanaı oblysynyń keı jerlerinde burqasyndatyp, jel 15-20 m/s-qa deıin kúsheıedi.