Reseı Prezıdenti amerıkalyq NBC telearnasyna suhbat berdi. Suhbat barysynda Memleket basshysy bolǵan sátten bastap ózinen keıin el prezıdenti bolatyn adamdy oılap júrgenin aıtty. Bul jaıynda Vesti.ru jazdy.
Sonymen qatar Reseı prezıdenti tańdaýdy halyq jasaıtynyn aıtyp ótti.
— 2000 jyldan bastap oılap júrmin. Oılaǵannyń esh ábestigi joq, túptep kelgende tańdaýdy halyq jasaıdy. Meniń kóńilimnen shyqsyn, shyqpasyn Reseı Federasıasynyń halqy sheshim shyǵarady, óz tańdaýlaryn jasaıdy, - dedi Vladımır Pýtın.
Pýtınniń oıynsha, ózinen keıin bılikke keletinder eldi qurtýdy oılamaıdy.
— Menen keıin bılikke keletinder Reseıdiń kúsheıýine, bolashaqta jastardyń jaǵdaıyn jasaýǵa kúsh salýy da múmkin,- dedi Pýtın.
El prezıdentiniń aıtýynsha, Reseıdi qurtqysy keletinderdiń qatarynda AQSH bar.
