Qazaqstannyń İshki İster mınıstri Qalmuhanbek Qasymov Aqtóbe oblysynda avtobýsta 52 adamnyń tirideı órtenip kóz jumǵanyna qatysty tergeý áreketteriniń qalaı júrip jatqanyn aıtyp berdi dep habarlaıdy Qamshy.kz aqparat agenttigi tengrinews.kz-ke silteme berip.
«Úsh adam qamaýǵa alyndy. Ol jerde dáleldeý kerek. Biz avtobýs ıesine shaǵymdanýymyz kerek. Ol qazir shetelde júr. Suraqtar óte kóp. Tergeý sot úkimitn shyǵarǵan soń bitedi»,-dedi Q.Qasymov.
Eske salsaq, 18 qańtarda Aqtóbe oblysynyń Yrǵyz aýdanynda jolaýshylar avtobýsy órtenip, 52 adam qaza taýyp, bes adam qutqarylǵan. Avtobýs OQO-nyń Saryaǵash aýdany Jibek Joly aýylynan Qazanǵa qaraı baǵytta jol júrip kele jatqan.
Kóz jumǵandardyń barlyǵy er adamdar. Olardyń eń úlkeni- 41, eń jasy kishisi-19-da bolǵan.
Avtobýs Mehtıev Ordýhan Sabyroglynyń atyna jazylǵan bolyp shyqty. Onyń jolaýshylar tasymaldaýǵa ruqsaty bolmaǵany anyqtaldy.
