Tótenshe jaǵdaılar qyzmeti kóktemgi sý tasqynyna baılanysty Atbasar aýdanynda aldyn-alý sharalaryn júrgizýge kiristi. Bul týraly oblystyq Tótenshe jaǵdaılar departamentiniń bastyǵy Alekseı Sovetov baspasóz týrynda aıtty.

Atbasar – sý basý qaýpi asa joǵary aýdan. Mundaǵy Jabaı ózeniniń baseınindegi topyraqtyń kóktemgi ylǵaldylyǵy ádettegi normadan asyp túsedi. Sondaı-aq, birneshe jylǵy baqylaýdyń nátıjesinde, naýryz jáne sáýir aılarynda táýligine bir aılyq jaýyn-shashynnyń deńgeıi túsýi múmkin.

Búginge sý tasýynyń aldyn alý maqsatynda tıisti sharalar júrgizilýde. Aýdandyq búdjetten 57.3 mln teńge kóleminde qarajat bólingen.

Atbasar aýdanyndaǵy eldi-mekenderdi ınjenerlik qorǵaýdyń kestesine sáıkes, Novoselskoe, Pokrovka, Poltavka sıaqty aýyldarda sý tasýynyń aldyn alýǵa baılanysty túrli sharalar júrgizilgen. Al ózge aýyldyq okrýgtarda jumystar aǵymdaǵy jyldyń 15 naýryzyna deıin aıaqtalady dep josparlanady.