Búgin Almatyda "OQO-da zorlanǵan balaǵa qatysty daý-damaı" atty baspasóz jıyny ótti, dep habarlaıdy Qamshy.kz aqparat agenttigi. 

Konferensıaǵa zańger Baýyrjan Azanov, Qazaqstandaǵy adam quqyǵy jónindegi halyqaralyq búro dırektorynyń orynbasary Roza Aqylbekova jáne BAQ ókilderi qatysty. 

Konferensıada sóz alǵan zańger Baýyrjan Azanov OQO İİD qyzmetkerleri balanyń zorlanbaǵanyn aıtqanyn jetkizdi. 

- Osydan eki aı buryn ájesi OQO İİD bala zorlyǵyna qatysty aryzdanǵan. Alaıda maǵan jetken aqparat boıynsha, eki aıda eshqandaı tergeý júrgizilmegen. Sondyqtan olardy Almatyǵa bara jatqan jolda poıyzda túsirip alyp, İİD-ge jetkizgen. Men tergeý áreketterin tań erteń júrgizýin suradym. Sebebi zań boıynsha tergeý túnde júrgizilmeıdi. Kezekshi polıseıdi shaqyryp, tergeýdiń tań erteń júrgizilýi týrasyndaǵy ótinishimdi tirkeýin suradym. Biraq ótinishim oryndalmady.",-deıdi ol. Zańgerdiń aıtýynsha, OQO DVD qyzmetkeri balanyń ózin zorlady dep ótirik aıtyp otyrǵanyn aıtady.

- Tergeý júrgizilmeı, ekspertıza jasalmaı jatyp olardyń balanyń zorlanbaǵanyn aıtyp otyrsa, olar ádiletti tergeý júrgizetinine senimdi emespin, dedi zańger.  

Aıta keteıik,  «OQO-daǵy Saryaǵash aýdany Abaı aýylynyń jeti jastaǵy turǵyny zorlyqtyń qurbany boldy» degen habar áleýmettik jelige keń tarap, jergilikti BAQ-tyń nazaryna ilinip, áleýmettiń ashý-yzasyn týdyryp, qatty talqylaýǵa ulasqan. 14 naýryzda Batyrbekova men jıenin polısıa ustaǵany habarlanǵan. Jergilikti qoǵam belsendisi Dinmuhamed Artyqovtyń aıtýynsha, Batyrbekova men onyń jıenin sársenbi keshki saǵat 20.00 shamasynda Shymkent vokzalynan Almatyǵa júreıin dep turǵan jerinen jıyrma shaqty polıseı kúshtep alyp ketken.