AQSH-tyń Florıda shtatynda jasóspirim Quran oqyp, jıhadqa shaqyratyn vıdeo kórgennen soń qasyndaǵy joldasyn baýyzdap tastaǵan dep habarlaıdy Lenta.rý.

17 jastaǵy Korı Djonson óziniń dostary 17 jastaǵy Kaıl Benkroft pen onyń 13 jastaǵy inisi Deın Benkrofttyń úıinde qonǵan. Belgili bolǵandaı, sol túni jasóspirimder tanystarynyń týǵan kúnin toılaǵan. Qylmysker polısıaǵa 12 naýryz tańǵy  4-te  adam óltirýdi qalap oıanǵanyn jetkizgen.

Djonson ózimen birge alyp kelgen pyshaqpen 13 jastaǵy týǵan kún ıesin (Djovannı Sıerrý) pyshaqtap, baýyzdaǵan. Qylmysker  aıqaıdy estip, kómekke kelmek bolǵan balalardyń anasyna da tap berip, oǵan 12 jerinen pyshaq suqqan. Anasyna kómekke kelgen dosynyń inisi Deındi 32 jerinen pyshaqtaǵan.

Polısıany otbasynyń kórshileri shaqyrǵan. Týǵan kún ıesi oqıǵa ornynda kóz jumdy, 17 jastaǵy qylmysker  zardap shekpedi,  anasy jáne onyń eki balasynyń jaǵdaıy jaman emes.

Málimetterge súıensek, jetkinshek dostaryn olarmen birdeı dinı kózqarasta bolmaǵany  úshin óltirgen. Korı Djonsonnyń aıtýynsha, týǵan kún ıesi (Djovannı Sıerrý) tanymal adamdardy qudaıǵa teńegendikten, al Deın Brekford dinin kemsitkeni ol úshin qatty qorlanǵan. Sonymen birge, qylmys jasaǵanǵa deıin jetkinshektiń Quran oqyp, jıhadqa shaqyrý vıdeosyn kórgeni belgili boldy.

Buǵan deıin jetkinshek «DAISH» terorıstik uıymymen baılanysqa shyǵýǵa tyrysqan.