«Tumar»  ulttyq televızıalyq báıgesiniń saltanatty marapattaý rásimi 2018 jyldyń 16 naýryzynda Qazmedıa ortalyǵynda ótedi, dep jazady Qamshy.kz aqparat agenttigi.  Bıylǵy jylǵy saltanatty is-shara Qazaq televızıasynyń 60-jyldyǵyna arnalady. Tilshiler, televızıa qyzmetkerleri, memleket jáne qoǵam qaıratkerleri men estrada juldyzdaryna qosa saltanatty keshke qazaq televızıasynyń ardagerleri de shaqyryldy.

Aǵymdaǵy jylǵy báıgege 14 nomınasáı boıynsha ótinimder qabyldaý 15-qańtar men 1-naýryz aralyǵynda júrgizildi. Olardyń ishinde qazaq televızıasynyń 60 - jyldyǵy men Astananyń 20 jyldyǵyna arnalǵan erekshe nomınasıalar bar. Sonymen qatar «Úzdik operatorlyq jumys», «Jydyń úzdik telejúrgizýshisi», «Jyldyń úzdik telejýrnalısi», «Úzdik rejıserlik jumys» jeke nomınasıalary.

«Tumarǵa» ótinimderdi qabyldaý tolyǵymen avtomattandyrylyp, kaztube.kz portalynyń negizinde júzege asyrylǵan bolatyn. Báıgege qatysýshylardyń asa joǵary belsendilikterin atap ótý kerek. Ótinimderdi qabyldaý kezeńinde kaztube.kz portalyna kirýshiler sany 80%-ǵa ósti, al ótinimder sany byltyrǵy kórsetkishke qaraǵanda 1,6 esege artty (240 ótinim).

2018 jyly «Tumarǵa» 397 konkýrstyq jumys kelip tústi. Olardyń ishinde qazylar alqasy Báıge erejesiniń talaptaryna sáıkes resimdelgen 355 konkýrstyq ótinimdi qaraýǵa qabyldady.

 Óńirlik turǵyda Aqtóbe, Almaty, Qaraǵandy, Batys jáne Shyǵys Qazaqstan oblystarynyń telearnalary kóbirek belsendilik tanytty.

Nomınanttar arasynan eń kóp qabyldanǵan jumystar kelesi nomınasıalarda: «Úzdik derekti kıno», «Úzdik aǵartýshylyq baǵdarlama», «Úzdik áleýmettik baǵdarlama», «Úzdik oıyn-saýyq jobasy».

Báıgeniń qazylar alqasyna jýrnalısıka men teleradıo habar taratý salalaryndaǵy kásibı, joǵary bilikti sarapshylar kirdi.

 Esterińizge sala ketsek, «Tumar»  ulttyq televızıalyq báıgesi Qazaqstan Respýblıkasynyń Aqparat jáne kommýnkıasıalar mınıstrligi tarapynan eń sapaly jáne mańyzdy televızıalyq mazmundy taýyp, dáripteý úshin, talantty professıonaldardy qoldaý jáne otandyq televızıanyń sapalyq standarttaryn arttyryp, qazaqstandyq televızıanyń damýyn qamtamasyz etý maqsatynda qurylǵan bolatyn.

Bıylǵy jyly báıge ekinshi ret ótkizilýde.