SQO ákimi Qumar Aqsaqalov «Nazarbaev zıatkerlik mektepteri» AQ basqarma tóraıymy Kúlásh Shámshıdınovamen kezdesti, dep jazady Qamshy.kz aqparat agenttigi.

Qazir Petropavldaǵy «Bereke» yqsham aýdanynda ornalasqan zıatkerlik mektepte 597 oqýshy ozyq úlgidegi bilim júıesimen oqyp jatyr. Oqýshylardyń 35 paıyzy aýyldyq jerlerden kelgenin atap ótken jón. Óńir basshysy Nazarbaev zıatkerlik mektebinde bilim alýǵa umtylǵan jastardyń qatary jyl sanap artýda dep atap ótti. Mekteptiń túlekteri álemniń úzdik ýnıversıtetterinde bilim alyp jatyr.  Qumar Aqsaqalov bilim ordasynyń 10 jyldyq mereıtoıymen de quttyqtady. 

Óz kezeginde basqarma tóraıymy Kúlásh Shámshıdınova zıatkerlik mektepterdiń álemdik talaptarǵa saı bilim berip jatqanyn atap ótti. Osy tájirıbeni endi orta bilim beretin mektepterge taratý mindeti tur. Qazir bul baǵytta bilim ordasy oblystyń negizgi mektepterimen jumys jasap jatyr.

Kezdesý sońynda SQO ákimdigi men  «Nazarbaev zıatkerlik mektepteri» arasynda ózara yntymaqtastyq memorandýmyna qol qoıyldy.

Memorandýmnyń maqsaty -  balalardy tárbıeleý jáne oqytý, bilim berý uıymdaryn basqarý salasynda "Nazarbaev zıatkerlik mektepteri" uıymynyń tájirıbesin taratý, sonymen qatar aımaqta ınovasıalyq bilim berýdi damytý baǵytynda pedagogtardyń kásibı deńgeıin arttyrý boıynsha yntymaqtastyq bolyp tabylady.