Atmosferalyq aǵyndardyń ótýine baılanysty 17 naýryzda  Qazaqstannyń basym bóliginde qubylmaly aýa raıy saqtalady, dep habarlaıdy «Qazgıdromet» RMK.

El aýmaǵynyń keı jerlerinde jaýyn-shashyn, túnde respýblıkanyń ońtústik-shyǵys taýly aýdandarynyń keı jerlerinde qatty jaýyn-shashyn jaýady. Tek soltústikte ǵana kún ashyq. Respýblıkanyń keı jerlerinde jeldiń kúsheıýi, tuman, kóktaıǵaq, jaıaý burqasyn kútiledi.  

Shyǵys Qazaqstan, Batys Qazaqstan oblystarynyń keı jerlerinde tuman túsedi, kóktaıǵaq, jaıaý burqasyn, jeldiń jyldamdyǵy 15-20 m/s jetedi.  Qyzylorda oblysynyń keı jerlerinde tańerteń jáne kúndiz tuman, kóktaıǵaq, jel 15-20 m/s kútiledi. Qostanaı oblysynda jel 15-20 m/s, túnde jáne tańerteń tuman, kúndiz jaıaý burqasyn bolýy yqtımal. 

Aqmola, Jambyl, Soltústik Qazaqstan oblysynyń keı jerlerinde tuman, jeldin kúshi 15-20 m/s. Almaty, Atyraý, Qaraǵandy oblystarynyń keı jerlerinde tuman túsedi, kóktaıǵaq. Manǵystaý, Aqtóbe, Pavlodar oblystarynyń keı jerlerinde - tuman.