Budan 3 jylǵa jýyq ýaqyt  buryn ál-Farabı atyndaǵy QazUÝ rektorynyń bastamasymen Shyǵystaný fakúltetinde TÚRKSOI kafedrasy ashylǵan bolatyn. Jaqynda osy kafedranyń eń úzdik stýdentterine Halyqaralyq túrki mádenıeti uıymy (TÚRKSOI) atynan ıgi dástúrge aınalǵan shákirtaqy arnaıy tabys etildi.

Halyqaralyq uıymnyń  TÚRKİSOI-daǵy Qazaqstan Respýblıkasy Mádenıet jáne aqparat mınıstrliginiń ókili Asqar Turǵanbaev TÚRKSOI kafedrasynyń "Túrkitaný", «Shetel fılologıasy: túrik tili», «Aýdarma isi», «Shyǵystaný» mamandyqtary boıynsha bilim alatyn stýdentterdi yntalandyrý jáne áleýmettik turǵydan qoldaý maqsatynda berilgen shákirtaqyny arnaıy kelip tabystady.  Árbiri 100 000 (júz myń) teńge kólemindegi bir rettik shákirtaqy TÚRKSOI kafedrasynyń belsendi jáne eń ozat 5 stýdentine berildi.

Jıynda sóz sóılegen TÚRKSOI Halyqaralyq uıymnyń TÚRKİSOI-daǵy Qazaqstan Respýblıkasy Mádenıet jáne aqparat mınıstrliginiń ókili Asqar Turǵanbaev Ál-Farabı atyndaǵy  Qazaq Ulttyq Ýnıversıtetiniń basshylyǵyn sońǵy ýaqyttaǵy bilim berý men ǵylym salasyndaǵy halyqaralyq deńgeıde qol jetkizgen jetistikterimen quttyqtap, halyqaralyq uıym men ýnıversıtet arasyndaǵy  yntymaqtastyqtyń budan ári de damı túsetinine senim bildirdi.

 Jıyn sońynda  ál-Farabı atyndaǵy  Qazaq Ulttyq Ýnıversıtetiniń rektory Ǵalymqaıyr Mutanov TÚRKSOI uıymynyń basshylyǵyna stýdentterge kórsetken qoldaýlary úshin erekshe alǵysyn bildirdi.

TÚRKSOI kafedrasy

 Eshmetova B.B.